Këngëtarja shqiptare Morena Taraku po përballet në Gjykatë me akuzën "pengimi i personit zyrtar në kryerjen e detyrave zyrtare". Sipas aktakuzës së ngritur nga Prokuroria Themelore në Morena Taraku më 17 maj 2014, rreth orës 17:05, në Han të Elezit, në pikën kufitare në hyrje nga Republika e Maqedonisë, gjatë kontrollit ka fyer rëndë dhe ka tentuar të pengojë Fitore Mjaku në kryerjen e detyrës zyrtare.
Në dokumentin zyrtar thuhet se këngëtarja e ka akuzuar dhe e ka shtyrë policen, duke e lënduar në gishtin e parë të dorës së djathtë.
Mediet kosovare shkruajnë se të mërkurën në Gjykatën Themelore në Ferizaj, dega në Kaçanik, është mbajtur shqyrtimi fillestar ndaj Morena Tarakut. Sipas procesverbalit të siguruar nga “Betimi për Drejtësi”, pas leximit të aktakuzës nga prokurori Agim Kuka, e pandehura Taraku nuk e ka pranuar fajësinë për veprën që i vihet në barrë.
Gjykatësi i rastit Shabi Idrizi e ka udhëzuar të akuzuarën Taraku dhe avokaten e saj Fehmije Gashi, se brenda 30 ditësh kanë të drejtë që t’i paraqesin në gjykatë kundërshtimin e provave dhe kërkesën për hedhje të aktakuzës.
Aktakuza e ngritur ndaj Morena Tarakut
Lajme të tjera
-
Hajdutët i bastisën shtëpinë në Turqi, zbulohet shifra marramendëse që iu vodh Morena Tarakut
3 Gusht 2023, 13:36 -
Hajdutët i hynë në shtëpi, modelja Morena Tarakut i vidhen sendet me vlerë marramendëse
2 Gusht 2023, 20:46 -
‘E përfshirë në krim të organizuar’, Morena Taraku ironizon akuzat e Fjolla Morinës: Zot na ruaj mendtë e kokës
1 Korrik 2023, 14:31 -
U arrestua në protestën e dhunshme te selia e PD-së, modelja e njohur i del në krah Stresit: Zemra e tij meriton dashuri jo dhunë
9 Janar 2022, 16:59 -
Daily Mail shkruan për jetën luksoze të Morena Tarakut: Një byzylyk 290 mijë paund
10 Gusht 2021, 11:36
