Oferta e Qeverisë së Kosovës/ 20 milionë euro më shumë për arsimin

Kryeministri i Kosovës, Ramush Haradinaj përmes një postimi në Facebook ka bërë të ditur se qeveria e tij ka vendosur të rrisë pagat e punonjësve që punojnë në arsim me 20 milion euro më shumë në vit.

Pas një takimi që kishte me përfaqësuesit e SBASHK-ut ai u shpreh se: Për mbi 20 mijë të punësuar në sektorin e arsimit, vlera e rritjes është rreth 20 milionë euro në vit. Kjo është oferta më e madhe që i bëhet sektorit të arsimit dhe u bëjë thirrje të gjithë edukatorëve, mësimdhënësve që t’i kthehen punës, t’i kthehen procesit mësimor.

Deklara e plotë:

Të dashur qytetarë të Republikës Kosovës. Sot kam pritur në takim kryetarin e Sindikatës së SBASHK Rrahman Jashari, të cilit ia prezantova ofertën e Qeverisë së Republikës së Kosovës.

Për mbi 20 mijë të punësuar në sektorin e arsimit, vlera e rritjes është rreth 20 milionë euro në vit. Kjo është oferta më e madhe që i bëhet sektorit të arsimit dhe u bëjë thirrje të gjithë edukatorëve, mësimdhënësve që t’i kthehen punës, t’i kthehen procesit mësimor.

Per 5.000 mësimdhënës në shkollat e mesme, nga 74.8 euro më shumë në muaj

Per 14.790 mësimdhënës në arsimin fillorë, nga 46.8 euro më shumë ne muaj

Per 912 mësimdhënës ne arsimin parashkollor, nga 49.8 euro më shumë ne muaj

Për 125 mësimdhënës në shkollat speciale, nga 49.8 euro më shumë në muaj

Do të ishte një mashtrim nëse grevistët mendojnë që do ta kenë një ofertë tjetër. Kjo është oferta e Qeverisë, 20 milionë euro më shumë për arsim.

Punë të mbarë të gjithë punëtorëve të arsimit. Do të jemi bashkë gjithmonë dhe duke vendos komunikim të vazhdueshëm, do të përpiqemi që edhe në të ardhmen të përmirësojmë pozitën e edukatorëve të fëmijëve tanë! Qeveria e Kosovës dorëzohet para mësimdhënësve, ndan 20 milionë euro

er.k./Shqiptarja.com

TAG:
• Ramush Haradinaj