OFL në Përmet e Gjirokastër! Kush janë 4 të dënuarit që duhet të justifikojnë pasurinë, mes tyre dhe një grua

Në Përmet dhe Gjirokastër është ndalesa e radhës e OFL-së. OFL u kërkon të deklarojnë pasurinë Dermush Buzheri, Tatiana Gjini, Zhuljen Bezati, Gazmir Muhaj.

"Vijon pa ndërprerë Operacioni Forca e Ligjit, në zbatim të detyrave të përcaktuara në Aktin Normativ të datës 31 janar 2020.

Në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka nisur kërkesat me shkrim për vetëdeklarimin e burimeve të pasurisë, shtetasve:

LEXO EDHE:
Tiranë/ Miku i Ervis Martinajt kapet me armë në makinë te ‘Komuna e Parisit’! Valentino Kaçorri i dënuar për vrasje e trafik armësh e subjekt i OFL-së

D. B., banues në Gjirokastër, i dënuar për veprën penale "Kultivimi i bimëve narkotike”;

T. Gj., banuese në Gjirokastër, e dënuar për veprën penale "Kultivimi i bimëve narkotike”;

Zh. B., banues në Përmet, i dënuar për veprën penale “Prodhimi dhe shitja e narkotikëve”;

G. M., banues në Përmet, i dënuar për veprën penale “Prodhimi dhe shitja e narkotikëve”.

Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme. OFL është në veprim të pandërprerë dhe në kryerje të veprimeve komplekse për vendosjen e sekuestrove emergjente mbi pasuritë e dyshuara të përfituara nga krimi, si dhe për dërgimin e formularëve të vetëdeklarimit të gjithë personave që janë subjekt i Ligjit Special. OFL do të informojë publikun në vijimësi për të gjitha nismat procedurale dhe operacionet ekzekutive që do të kryejë', njofton OFL.

 

B.K./Shqiptarja.com

TAG:
• ofl
• Dermush Buzheri
• Tatiana Gjini
• Zhuljen Bezati
• Gazmir Muhaj