POP 5

Lajmet më të lexuara të 5 minutave të fundit

Kronikë

OFL u kërkon të justifikojnë pasurinë dy vëllezërve të dënuar për trafik droge! Njëri u mor peng në Tiranë

Dy vëllezër të dënuar për trafik të lëndëve narkotike janë vënë në sitën e Operacionit Forca e Ligjit dhe kanë 48 orë për të deklaruar pasurinë. Auto-deklaratat e tyre do t'i dërgohen më tej Prokurorisë së Posaçme ku pritet që brenda 15 ditëve të merret vendimi për sekuestro nëse a ka dyshime se pasuritë janë vënë nga burime të paligjshme. 

TIRANË - Dy vëllezër të dënuar për trafik të lëndëve narkotike janë vënë në sitën e Operacionit Forca e Ligjit dhe kanë 48 orë për të deklaruar pasurinë. Auto-deklaratat e tyre do t'i dërgohen më tej Prokurorisë së Posaçme ku pritet që brenda 15 ditëve të merret vendimi për sekuestro nëse a ka dyshime se pasuritë janë vënë nga burime të paligjshme. 

Ervis Gavelli dhe Leonat Gavelli, të dy banues në Berat sipas OFL-së rezultojnë të dënuar për veprën penale "Trafikim i lëndëve narkotike".

Në 2015-ën, kur ishte 42 vjeç, Leonat Gavelli u mor peng nga persona të armatosur tek Kodrat e Liqenit të thatë në Tiranë, por u la i lirë 8 orë më pas, pa asnjë lëndim nga autorët, të cilët qëllimi kishin vetëm t'i jepnin një mesazh kërcënues.  Vetë Gavelli para policisë tha se personat ishin bindur që kishin ngatërruar person dhe e kishin lënë të lirë. Edhe pse dyshimet e bluve në atë kohë ishin se rrëmbyesit kanë kërkuar vëllain e Gavellit, i cili ndodhej jashtë vendit.

Leonat Gavelli është dënuar nga autoritetet italiane si drejtues në një rrjet të trafikut të kokainës nga Kolumbia dhe destinacion tregun e narkotikëve në Zvicër dhe Itali.

Një dosje për Gavellin dhe bashkëpunëtorët e tij shqiptarë ka ardhur në drejtim të Shqipërisë nga autoritetet italiane në vitin 2007, ku thuhej se kokaina sigurohej në Kolumbi nga Leonart Gavelli, dhe më tej ia dorëzonte vëllait dhe kushëririt në Itali. Për shkak të sofistikimit që kishte ky rrjet i trafikut të drogës, autoritetet italiane mundën të kapin vetëm 3.5 kilogramë kokainë nëpërmjet përgjimeve, e trafikuar nga Kolumbia në Itali gjatë periudhës 2003-2004.

Prej vitit 2015 Leonat Gavelli ka një bar kafe në fshatin Dushnik të Beratit. Ndëkrohë në një vëzhgim në Qendrën Kombëtare të Biznesit, Gavelli rezulton aksionet me 27% të aksioneve në një kompani  tekstilesh.

Ndërkohë vëllai i tij, Ervis Gavelli, bashkëpunëtor në rrjetin e trafikut të drogës, rezulton me emër të ndryshuar, pasi më herët e ka pasur Bledar.

 

G.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Harku Çelepias: 07/03/2020 14:55

    Gjithe kjo Shqiperi gjetet Nardin per ta bere shembull!!!! WTF

    Përgjigju
  • Kuvendi: 06/03/2020 14:26

    Se more vesh ca u bo me ato pronat qe ju sekuestrun familjes hajri dhe doci.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Ylli Pata: Legjendat elektoralo-amerikane të Sali Berishës

Ylli Pata: Legjendat elektoralo-amerikane të Sali Berishës

25 Dhjetor, 20:00 nga Ylli Pata