POP 5

Lajmet më të lexuara të 5 minutave të fundit

Kronikë

OFL-ja i kërkoi Martinaj të provojë pasurinë/ Avokati: Martinaj nuk ka dënim për vrasje, kërkesa e policisë është 'Nul'

Sipas mbrojtësit ligjor, Ervis Martinaj nuk është subjekt i këtij ligji, për shkak se s'ka dënim të parashikuar nga akti-normativ i kryeministrit.

OFL-ja i kërkoi Martinaj të provojë pasurinë/ Avokati: Martinaj nuk ka dënim për vrasje, kërkesa e policisë është 'Nul'

Ervis Martinaj

TIRANË- Vetëm dy orë pasi Operacioni Forca e Ligjit njoftoi se kishte kërkuar nga biznesmeni, Ervis Martinaj, dhe kunati i tij, Valentino Kaçori, të justifikojnë pasurinë, ka ardhur dhe reagimi i avokatit mbrojtës i Martinaj. Mirash Martini, ka deklaruar për “Report Tv” se klienti i tij Ervis Martinaj në asnjë moment nuk është subjekt i aktit normativ, pasi nuk është i dënuar qoftë brenda territorit të Shqipërisë, por edhe jashtë për veprat penale që ky akt-normativ, ka targetin për të vepruar juridikisht.

Sipas avokatit të Martinaj, nisur nga kushtet kur Martinaj nuk është i dënuar për veprat që parashikon akti-normativ, çdo veprim i mëtejshëm qoftë policor por edhe bllokim të aseteve kapitale dhe financiare nga policia, është qartazi “Nul”.

“Ervis Martinaj nuk është subjekt i aktit normativ nr.1 të Kryeministrit, datë 31 janar te vitit 2020, pasi ai nuk është i denuar dhe as në hetim për asnjë nga veprat penale të parashkuara në nenin 5 të këtij Akti…”-thotë avokati. Më tej mbrojtësi ligjor shton se “…bazuar në vendimet gjyqësore që kanë shqyrtuar kërkesat e prokurorisë, rezulton se në veprimet tij, nuk as dyshime se ai ka kryer veprën penale të vrasjes e aq më pak këtë vepër ta ketë kryer me paramendim. Megjithatë, edhe pse nuk është subjekt i këtij akti normativ, sërish Martinaj do t'i përgjigjet pozitivisht kërkesës duke dorëzuar dokumentin për justifikimin e pasurisë së tij…”-thotë avokati i Martinaj.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

O’Brien nesër në Beograd për takime me krerët e Serbisë

O’Brien nesër në Beograd për takime me krerët e Serbisë

19 Prill, 22:54