OKB pezullon shpërndarjen e ndihmave ushqimore në Rafah! Dërgimi i ushqimeve i pamundur, s’ka siguri

OKB pezullon shpërndarjen e ndihmave ushqimore në Rafah! Dërgimi i ushqimeve i pamundur, s’ka siguri

Foto ilustruese

OKB pezulloi shpërndarjen e ushqimeve në Rafah, për shkak të mungesës së furnizimeve dhe situatës së paqëndrueshme të sigurisë si pasojë e zgjerimit të operacionit ushtarak të Izraelit. Kombet e Bashkuara paralajmëruan se operacionet humanitare në të gjithë territorin ishin drejt kolapsit.

Një zyrtar i lartë amerikan tha se Izraeli u është përgjigjur shumë prej shqetësimeve të administratës së presidentit Biden lidhur me planet për ndërhyrjen tokësore në Rafah që synon goditjen e Hamasit. Zyrtari tha se administrata nuk i dha dritën e gjelbër planit për ndërhyrje, por sqaroi se ndryshimet që bënë izraelitët lënë të kuptohet se po i marrin seriozisht shqetësimet e administratës amerikane.

Biden kundërshtoi një sulm të përgjithshëm ushtarak në Rafah, ku janë zhvendosur civilët nga pjesët e tjera të Gazës, nëse nuk i jepej përparësi sigurisë së palestinezëve të pafajshëm. Rreth 400,000 njerëz besohet se janë ende në Rafah pasi rreth 900,000 të tjerë u larguan në mënyrë kaotike, duke kërkuar strehim në kampe të reja ose duke u mbledhur në zonat tashmë të shkatërruara nga ofensivat e mëparshme izraelite.

Xh.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Shqipëria luan ndaj Italisë sfidën e parë në Euro 2024, kush fiton?



×

Lajmi i fundit

Parti të re pasi humbi vulën e PD? Lulzim Basha vendos sot fatin e tij politik

Parti të re pasi humbi vulën e PD? Lulzim Basha vendos sot fatin e tij politik