Oligarku rus, Oleg Deripaska, i vënë së fundmi në qendër të vëmendjes për shkak të lidhjes së tij me ish zyrtarin e lartë të FBI Charles McGonigal, ka kritikuar zyrtarët e Moskës se po largojnë investitorët e huaj ndërsa ka paralajmëruar Rusina se do të mbetet pa para deri në vitin e ardhshëm prej mungesës së fondeve shtesë. Sipas tij kjo mund të konsiderohet alarmante për vendin teksa vijon lufta në Ukrainë dhe ngre pikëpyetjen se sa gjatë mund të vijojë sulmet Rusia nëse përfundon me deficit buxhetor.
Duke folur në Forumin Ekonomik Krasnoyarsk në Siberi, Deripaska, 55 vjeç, i cili një nga sipërmarrësit më të njohur dhe të pasur të Rusisë dhe që është cilësuar si një nga oligarkët më të afërt me presidentin rus, Vladimir Putin, tha se ai është "shumë i shqetësuar gjatë gjithë kohës që shteti dhe biznesi janë vënë vazhdimisht kundër njëri-tjetrit". Po ashtu paralajmëron se në vitin 20225 mund të fillojë të zbehet konflikti.
“Nga viti i ardhshëm nuk do të ketë më para. Rusisë mund t’i mbarojnë fondet. Sanksionet vijojnë çdo ditë e më shumë. Problemet tona nuk do të mbarojnë as në vitin 2025, që për mua është më i afërmi që mund të kemi uljen e intensitetit të konfliktit aktual. Kjo është arsyeja përse qeveria po na bën apel ne sipërmarrësve”, tha Deripaska.
Për këtë i referohet fjalimit të mbajtur para kombit më 21 shkurt nga Vladimir Putin, i cili i bëri thirrje oligarkëve që investojnë jashtë vendit. Kritikat nga një oligark i cili është sanksionuar për lidhje me Kremlinin vijnë vetëm disa javë pasi Putin u zotua se nuk do të kishte reduktim të shpenzimeve ushtarake, duke u thënë zyrtarëve se Rusia nuk ka "nuk ka kufizime" në shpenzimet për luftën në Ukrainë dhe është " duke dhënë gjithçka që kërkon ushtria” për të ndihmuar në sigurimin e fitores.
Olgarku rus thotë se e mendonte që ishin një vend europian por tani rregullat e lojës kanë ndryshuar.
“Menduam se ishim një vend evropian. Tani, të paktën për 25 vitet e ardhshme, ne do të jemi të detyruar të reflektojmë për të kaluarën tonë aziatike. Nuk është aspak e lehtë, rregullat e lojës janë krejtësisht të ndryshme. Kapitalizmi shtetëror është një rrugë pa kuptim. Burimet e të ardhurave që u shpenzuan vitin e kaluar janë të tmerrshme, por ato janë trilionë dhe kanë shkuar për asgjë. Tani situata jonë është e rëndë, por vetëm sipërmarrja e lirë mund të ndryshojë rrjedhën e historisë”, tha Deripaska.
Në shkurtin e vitit të kaluar kur nisi pushtimi rus në Ukrainë, sipërmarrësi doli kundër Rusisë. Pavarësisht përplasjeve të shpeshta me presidentin rus, Oleg Deripaska ka arritur t’i rregullojë marrëdhëniet me të. Kujtojmë se miliarderi rus, themelues i gjigantit të aluminit ‘Rusal RUAL.MM’, është mes rreth 20 oligarkëve dhe zyrtarëve rusë që janë përfshirë nga Uashingtoni në listën e zezë prej vitit 2018, si reagim ndaj ndërhyrjes së dyshuar të Rusisë në zgjedhjet e amerikane të vitit 2016. Ai është vënë në qendër të vëmendjes së fundmi për shkak të lidhjeve me ish ish-agjentin e lartë të FBI-së Charles McGonigal që po përballet me dy akuza në Shtetet e Bashkuara të Amerikës, një në Nju Jork dhe një në Uashington D.C. Në rastin e parë ai akuzohet se ka ndihmuar Oleg Deripaskën, me qëllim që të hiqet nga lista e biznesmenëve të sanksionuar nga qeveria e Shteteve të Bashkuara. Akuza tjetër lidhet me 2 shqiptarë, pasi zyrtari i lartë i FBI, po hetohet për marrjen 225 mijë dollarëve nga shqiptaro-amerikani Agron Neza, ish agjent shqiptar i inteligjencës, dhe mosdeklarim të tij, për të cilin thuhet se ia ka dhënë borxh.
Lajme të tjera
-
Angela Merkel intervistë për 'Corriere della Serra': Nuk e kërkova unë largimin e Berlusconit! Putin? I njihja synimet e tij, është një armik i Evropës
23 Nëntor, 11:23 -
Putin paralajmëron se Rusia do të vazhdojë të testojë raketën e re balistike: Po na krijohen kërcënime!
22 Nëntor, 19:36 -
Rusia thyen sanksionet, i jep Koresë së Veriut 1 mln fuçi me naftë: Pagesë për armët dhe trupat që Pheniani i ka dërguar Moskës
22 Nëntor, 11:35
-
'The New York Post': Evropa përgatitet për Luftën e Tretë Botërore, dokumentet sekrete gjermane zbulojnë planet
21 Nëntor, 08:26 -
Reuters: Burime brenda Kremlinit thonë se Putin është i gatshëm të ulet në tryezë me Trump për Ukrainën
20 Nëntor, 18:29 -
Vuçiç konfirmon se do të vizitojë Moskën në muajin Maj
19 Nëntor, 23:02 -
Alban Daci: Pse Putin nuk mund t’i përdor armët bërthamore?
19 Nëntor, 16:36
-
Putin ndryshon doktrinën nukleare të Rusisë: Mund të sulmojmë edhe në vende që nuk kanë armë bërthamore
19 Nëntor, 15:01
-
Media: Putin ka ftuar Vuçiçin për vizitë në Moskë
18 Nëntor, 20:19 -
Pas kritikave të shumta, Scholz mbron vendimin për telefonatën e tij me Putinin
17 Nëntor, 16:39 -
Senatorët demokratë kërkojnë hetim federal për komunikimin 2-vjeçar mes Musk dhe Putin
16 Nëntor, 20:00 -
Kancelari Scholz: Biseda telefonike me Trump, e detajuar! Folëm gjatë për Ukrainën, ai mendon ndryshe nga sa perceptohet në Europë
16 Nëntor, 17:42
