POP 5

Lajmet më të lexuara të 5 minutave të fundit

Kosova & Rajoni

Operacioni në Kosovë, Erdogani-Haradinajt: Vëllezërit e mi do të hakmerren

Presidenti i Turqisë, Erdogan ka kërcënuar Kryeministrin e Kosovës, Ramush Haradinaj në lidhje me operacionin për kapjen në Kosovë të 6 shtetasve turqë,të cilët konsiderohen si gylenistë.
Operacioni në Kosovë, Erdogani-Haradinajt: Vëllezërit e mi do të hakmerren

Presidenti i Turqisë, Rexhep Taip Erdogan kritikon ashpër Presidentin e Kosovës, Ramush Haradinaj

Presidenti i Turqisë, Erdogan ka kërcënuar Kryeministrin e Kosovës, Ramush Haradinaj në lidhje me operacionin për kapjen në Kosovë të 6 shtetasve turqë,të cilët konsiderohen si gylenistë.

Sipas gazetës turke  Hurriyet, duke folur në një mbledhje të partisë së tij, Erdogan i kërkon llogari Presidentit Haradinaj përse mori vendim për të shkarkuar nga detyra ministrin e Brendshëm të Kosovës dhe të Inteligjencës.Madje Presidenti turk ka ashpërsuar tonet, duke thënë se “vëllezërit e tij kosovarë” do të hakmerren ndaj Kryeministrit Haradinaj.

Agjencia jonë Kombëtare e Inteligjencës, me anë të operacionit që bëri në Kosovë arrestoi zyrtarët e tyre (FETO) më të lartë në Ballkan. Por jam i trishtuar. Del Kryeministri i Kosovës dhe shkarkon kreun e Inteligjencës dhe ministrin e Punëve të Brendshme. Tani unë pyes: Kryeministër i Kosovës, me urdhër të kujt e hodhe një hap të tillë? Që kur ke filluar të mbrosh ata që janë përpjekur t’i bëjnë grusht shteti Republikës së Turqisë? A nuk e di ti se ne jemi shteti i dytë në botë që e ka njohur pavarësinë e Kosovës menjëherë, Amerika i pari, ne i dyti? Si mundesh t’i ushqesh në gji ti këta njerëz që janë përpjekur të bëjnë grusht shteti në Turqi, e cila e trajton Kosovën si shtet vëlla. Për këtë do të japësh llogari! Vëllezërit e mi kosovarë nuk i besojnë një kryeministri si ti. Vëllezërit e mi kosovarë, kosovarët si unë i njoh dhe i di, do të bëjnë të paguash për këtë. Nuk bëhet politikë me telekomandë nga larg. Ne e kemi dëshmuar se nuk jemi një vend që gjunjëzohet me anë të aleancave të pista.

Presidenti i Turqisë, Rexhep Taip Erdogan

Dy ditë më parë, autoritetet kosovare në bashkëpunim edhe me ato turke, arrestuan 6 drejtues të shkollave në Kosovë. Ata janë shtetas turq dhe konsiderohen si gylenistë, “armiq të pushtetit të Erdogan”. Gjashtë të arrestuarit u deportuan më pas në Turqi. Këtë veprim nuk e mirëpriti aspak  Kryeministri i Kosovës Ramush Haradinaj, i cili shkarkoi menjëherë nga detyra ministrin e Brendshëm dhe kreun e Inteligjencës së Kosovës. Sipas Haradinajt, nuk mund të ndërmerrej një veprim i tillë për llogari të Turqisë në heshtje dhe pa njoftuar. Ndërsa duke folur më tej për luftën kundër gylenistëve, të cilët ai i cilëson organizatë terroriste, Erdogan u shpreh: 

edhe ata që janë arratisur në Pensilvani të SHBA, vend ku qëndron edhe kleriku Fetullah Gylen, kanë nisur të pyesin çdo të bëhet me mua”. Në një referencë të qartë për Gylenin, Erdogan tha kërcënueshëm se “cilido të ketë qenë fati i atyre në Kosovë do të jetë edhe fati yt. Ti nis sërish seancat e mallkimit. Mallkoje burrin e gjatë (referencë për veten e tij). Unë kam një Zot, ti çfarë ke? Nuk e di. Ne rrimë në këmbë me lutjet e këtij populli. Pandeh se ti po përpiqesh të rrish në këmbë me lutjet e Xhorxhëve dhe Hansëve (referencë për amerikanët dhe gjermanët). Kjo betejë nuk është si gjithë të tjerat. Ti ke përçarë popullin. Ata që përcajnë këtë populli, herët apo vonë do t’i zënë mallkimet e këtij populli.

Presidenti i Turqisë, Rexhep Taip Erdogan

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • 222: 01/04/2018 07:19

    TIA RRUASH TOPAT

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça