Operacioni ‘Restart’/ Shkon në 22 numri i të arrestuarve! Pranga 3 persona, iu kap 50 kg kanabis, tentuan ta transportonim në Greqi

KORÇË- 7 muaj hetime kanë çuar në pranga 22 persona teksa në total janë sekuestruar  535.5 kg kanabis. Në pranga kanë rënë 3 persona Leonard Hekurani, Zamir Sino dhe Fatjon Islami.  

Gjithashtu gjatë kontrollit iu gjetën 50 kg kanabis, si dhe 1 pako tjetër me peshë 550 gramë kanabis në formë çokollate. Shërbimet e Stacionit të Policisë Kufitare Kapshticë në bashkëpunim me shërbimet e Frontex-it, kanë konstatuar dy personat e mësipërm Leonard Hekurani dhe Zamir Sino në afërsi të fshatit Dobranj, Devoll dhe iu kanë bërë me shenjë të ndalonin.

Sapo kanë parë shërbimet e Policisë në drejtim të tyre, kanë tentuar të largohen me vrap dhe kanë hedhur në tokë tre çanta të zeza. Forcat e Policisë Kufitare dhe ato të Frontex-it, janë vënë në ndjekje dhe bënë të mundur kapjen e ndalimin e tyre. Gjatë kontrollit të ushtruar në brendësi të çantave të tyre, u gjet një sasi prej 42 kg lëndë e dyshuar narkotike kanabis, e ndarë në pako, e cila u sekuestrua në cilësinë e provës materiale. Ndërkohë më herët, Fatjon Islamit iu kap 8 kg kanabis. 

Kjo ishte faza e nëntë e operacionit policor të koduar "Restart", startuar shtatë muaj më parë. Në kuadër të këtij operacioni, për goditjen e një grupi kriminal në fushën e shpërndarjes dhe trafikimit të lëndëve narkotike në drejtim të shtetit grek, u arrestuan 20 persona.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

VIDEO/Mbledhja e këshillit bashkiak në Himarë, banori pështyn në fytyrë Vangjel Tavon

VIDEO/Mbledhja e këshillit bashkiak në Himarë, banori pështyn në fytyrë Vangjel Tavon