POP 5

Lajmet më të lexuara të 5 minutave të fundit

Opinion

Periferi

Opozita e Gazment Bardhit ka nevojë për evolucion, jo për revolucion

Tymosja e Kuvendit në ditën e diskutimit të buxhetit kujt i shërbeu? Shqiptarët sot panë mjegull me ngjyra, performanca folklorike, karrike të grumbulluara, por jo seriozitet.

Opozita e Gazment Bardhit ka nevojë për evolucion, jo për revolucion

Gazment Bardhi

Është e qartë që zëri opozitar më i logjikshëm mes opozitës ektreme të Rithemelimit, mbetet ai i politikanit Gazment Bardhi. Edhe pse ai e ngjyros diskursin politik me terma “alla berishianë” për t’i folur asaj pjese të shqiptarëve që e kanë ende për zemër politikanin më të korruptuar në Ballkan, kundërshtimet dhe pretendimet e tij për transparencë institucionale, qëndrojnë. Një opozitë duhet të shohë, të flasë, të kundërshtojë, të veprojë si balancim i demokracisë në vend.

E megjithatë, të ndjekësh diskursin dhe logjikën e Gazment Bardhit dhe disa të tjerëve si ai, mes tymnajës dhe performancave folklorike familjeshpëtuese, që po na ofrohen përherë e më shpesh nga politika e vjetër shqiptaro-ballkanase, është e vështirë. Më shumë se një “revolucion”, kjo pjesë e opozitës, ka nevojë për evolucion.

Evolucioni ka të bëjë me strategji opozitare që duhet ta çojnë edhe diskursin opozitar drejt kundërshtimit dhe denoncimeve, sigurisht, por edhe në planin konstruktiv dhe pozitiv për të tashmen dhe të ardhmen e vendit. Kalimi i buxhetit të shtetit pa diskutim, por mes tymnajave të hedhura nga keta politikanë, është mjerim, kthim pas.

Evolucioni i kësaj pjese të politikës shqiptare ka të bëjë me përthithjen e mendimit të përgjithshëm të shqiptarëve që kanë vendosur të mos durojnë më të tjerë shqiptarë që të bëjnë sipërmarrje shkatërruese ndaj objekteve, institucioneve. Eshtë fakt i pamohueshëm, i verifikueshëm përmes shifrave të qarta se shqiptarët nuk e duan më dhunën. Nuk duan më metodat primitive të përplasjes politike. Shqiptarët duan të dëgjojnë, të lexojnë e të zgjedhin më pas ata politikanë që, ndoshta jo perfektë, por që sigurojnë progresin e Shqipërisë.

Atëherë, nëse jemi pjesë e një populli që në kohë të kohëve e kishte kuptuar mirë që “ujku mjegull do”, përse nuk kuptohet nga kjo pjesë e opozitës? A e dinë se kush është ujku dhe kush e kërkon mjegullën dhe sidomos: përse?

Evolucioni i kësaj pjese të opozitës do të ishte pikërisht ky: Revolucioni i vetvetes.

a.m./SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ledi: 20/11/2023 18:49

    Gaz Bardhi agresiv me i madh se te gjithe . Perdir dhune ! Ky eshtetiger prej kartoni dhe ka frike nga hoha vet ,prandaj kemi arritur ne kete derexhe . Parlamentarizmi po sabotohet nga njerez pa vlere.Turp per shqiptaret qe kemi keto politikan

    Përgjigju
  • MINUSHE: 20/11/2023 15:38

    KY PO VAZHDON SJELLJET njesoj SI SB DHE po digjet si figure politike. gjynah mund te ishte opozitar i moderuar ..

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

'Ka nisur një fushatë dizinformimi', Policia reagon pas deklaratave të babait të shokut të Martinit: Kemi pamje filmike, nuk ka autor të dytë në ngjarje

'Ka nisur një fushatë dizinformimi', Policia reagon pas deklaratave të babait të shokut të Martinit: Kemi pamje filmike, nuk ka autor të dytë në ngjarje

24 Nëntor, 14:28