Opozita kërkon shkarkimin e saj, Nikolla: Në vend të shpëtoni shtëpinë e demokratëve, po shkatërroni Kuvendin! Rama me socialistët e duartrokasin

 

Kryetarja e Kuvendit, Lindita Nikolla tha se kërkesa për shkarkimin e saj ka ardhur për shkak të halleve të brendshme të partisë Demokratike. Ajo tha se opozitës në Kuvend i ka dhënë 2 fishin e kohës.

“Në vend që të shpëtoni shtëpinë e demokratëve po shkatërroni shtëpinë e shqiptarëve, unë nuk do jua lejoj. Ajo foltore që rrethoni është e Kuvendit, presioni dhe lufta brenda jush, se kush e ka më shumë armike mazhorancën, po ndikon për keq në Kuvend. Ju nuk e besoni për atë që akuzoni kryetaren e Kuvendit, unë nëpërmjet shërbimeve të Kuvendit, e pranova kërkesën për interpelancë, e solla kërkesën në seancë, e përfshira në rendin e ditës dhe vijova me seancën, nuk u bëra shkak për mos ushtrimin e drejtës për të folur. Me fillimin e seancës nis detyra juaj, ishte plan i juaj për të dështuar seancën, kurrë të mos ju shkoj ndërmend që e unë do bashkohem me ju që të shkatërroni Kuvendin dhe unë të bëjë sehir, ju keni hallet partiake, unë Kushtetutën. Partitë politike nuk duhet të lejojnë që ambiciet individuale të shkatërrojnë Kuvendin, në Kuvend opozita nuk kanë vetëm të drejta, por edhe detyra, por edhe detyra për të mbrojtur Kushtetutën. Kulturës së pandëshkueshmërisë duhet t’i vijë fundi. Keni përdorur 2 fishin e kohës krahasuar me mazhorancën, nuk jam këtu që t’i lutem njeriu, votoni”, tha Nikolla, teksa socialistët, mes tyre dhe kryeministti Edi Rama çohen në këmbë dhe e duartrokasin.

LEXO EDHE:
Ylli Pata: Dorëheqja? Standarti që theu Sali Berisha

Lajmi kryesor:

Kaos në seancë, ‘deja vu’ e opozitës me bllokim e bilbila! Rrëzohet kërkesa për shkarkimin e Nikollës, voton edhe Rama! Më 2 mars debati për McGonigal

B.K./KT/Shqiptarja.com

TAG:
• Lindita Nikolla
• Protesta
• sali berisha
• Kuvendi i Shqiperise
• flamur noka