Partitë kryesore të opozitës në Poloni thanë të martën se janë gati të marrin pushtetin, ndërsa rrisin presionin ndaj presidentit polak për të marrë një vendim të shpejtë për emërimin e kandidatit të tyre Donald Tusk për kryeministër.
Partitë opozitare pro-BE-së fituan shumicën në zgjedhjet që u mbajtën në fillim të këtij muaji, një ndryshim i madh për Poloninë pas tetë vitesh përplasjesh me Brukselin mbi një sërë çështjesh, që nga pavarësia e gjyqësorit, deri tek të drejtat e komunitetit LGBTQI+.
Presidenti Andrzej Duda, aleat i partisë nacionaliste në pushtet “Ligj dhe Drejtësi” (PiS), ka thënë më parë se ai do t'i jepte mundësinë e parë për formimin e qeverisë së re, partisë që ka fituar e vetme numrin më të madh të vendeve në parlament gjatë zgjedhjeve të fundit.
PiS doli e para në zgjedhjet e përgjithshme, por pa fituar shumicën e duhur për të formuar qeverinë dhe duket se nuk ka gjasa të jetë në gjendje të sigurojë një partner koalicioni.
“Sot, së bashku me udhëheqësit e partive demokratike, konfirmuam gatishmërinë tonë për të bashkëpunuar plotësisht dhe për të krijuar një shumicë në parlamentin e ardhshëm”, tha zoti Tusk, kreu i grupit më të madh të opozitës liberale të Polonisë, Koalicioni Qytetar, në një konferencë për shtyp. Ai shtoi se do të jetë kandidati i opozitës për kryeministër.
Presidenti Duda do të takohet me krerët e të gjitha partive që fituan vende në parlament të martën dhe të mërkurën.
Udhëheqësit e tre grupimeve që kanë hyrë në koalicion dhe synojnë të formojnë qeverinë e ardhshme - Koalicioni Civil, me prirje liberale i zotit Tusk (KO), Rruga e Tretë, e qendrës së djathtë dhe e Majta e Re - i kanë kërkuar Presidentit Duda të mos vonojë në marrjen e një vendimi për emërimin e një kryeministri të ri.
Megjithatë, ndihmësit e presidentit kanë thënë se ai nuk do të ngutet për të bërë një zgjedhje./ VOA
Lajme të tjera
-
Polonia regjistron më shumë migrantë në kufi me Bjellorusinë
19 Dhjetor, 16:49 -
Ministri i Jashtëm Hasani pret homologun nga Polonia: Zgjerimi i BE, prioritet edhe i presidencës polake
19 Dhjetor, 16:07 -
Vlorë/ Goditet grupi kriminal ukrainas, rekrutonin shpërndarës droge në vendet e BE-së! 4 të arrestuar, 1 në kërkim
13 Dhjetor, 09:58 -
Macron dhe Tusk këmbëngulin: Ukraina duhet të jetë në qendër të çdo bisede për paqe
12 Dhjetor, 19:38 -
40 mijë trupa të NATO-s në Ukrainë, zbulohet plani francez dhe polak për luftën
12 Dhjetor, 17:15 -
Shqipëria, ndër vendet më obeze të Europës, më elegantët italianët
12 Dhjetor, 10:56 -
Gjermania do të ridislokojë sistemet e mbrojtjes ajrore Patriot në Poloni
29 Nëntor, 16:22 -
Revista spanjolle 'Dimension Noticias': Shqipëria mes destinacioneve evropiane që meritojnë vëmendje në 2025
28 Nëntor, 16:15 -
E ardhmja e NATO-s dhe qëndrimet e Trump
24 Nëntor, 17:30 -
Lufta/ Tusk: Së shpejti data për armëpushim në Ukrainë
11 Nëntor, 07:34 -
Zjarret në aeroplanët e transportit të mallrave, dyshohet se u organizuan nga Moska
5 Nëntor, 22:12 -
VIDEO/ Ertjan Kofsha 'lahet në ar', peshëngritësi shqiptar merr tre medalje! Shpallet nënkampion Evrope në Poloni
1 Nëntor, 13:29
