Opozita rrezikon të mos regjistrohet në 14 maj? Rama: Do futen si çeço, se s'janë aty për njërin apo për tjetrin, por për njerëzit

TIRANË- Kryeministri Edi Rama tha se asnjë parti politike nuk rrezikon që të mos regjistrohet në zgjedhjet e 14 majit, referuar këtu Partisë Demokratike e cila vijon luftën e saj të brendshme, kësaj here në Komisionin Qendror të Zgjedhjeve. Rama tha se të gjitha partitë politike “do të futen në zgjedhje si çeço”, duke thënë se një gjë e tillë bëhet për njerëzit.

“Mua nuk më rezulton që do ketë ndonjë parti që nuk do të hyjë në zgjedhje, me rezulton e kundërta, të gjithë do hyjnë dhe do hyjnë si çeço, sepse në zgjedhje nuk hyhet për njërin apo për tjetrin, por për qytetarët”, tha Rama, i pyetur nga gazetarët në konferencën për shtyp me homologen daneze. 

Ai u pyet edhe në lidhje me gjyqin për vulën e PD-së, por zgjodhi të mos bëjë komente.

“Ju e dini mirë që nuk flas në prani të miqve që vijnë nga jashtë për problemet e politikës së brendshme”, deklaroi ai.

Ky reagim i kreut të qeverisë edhi gjatë konferencës së përbashkët që kreu i qeverisë pati me homologen e tij daneze Mette Frederiksen.

Më 3 mars, Gjykata e Apelit me unanimet të plotë vendosën rrëzimin e vendimit të Agron Zhukrit dhe kthimin e çështjes për shqyrtim në shkallë të parë me trupë tjetër gjykuese. Pas këtij vendimi, ajo që vendosi Agron Zhukri konsiderohet nul dhe çështja kthehet në shkallë të parë. Që do të thotë se vula, sigla, logoja e Partisë Demokratike i mbetet Enkelejd Alibeajt, se zyrtarisht ai është i regjistruar në Gjykatën e Tiranës.

2 palët në Partinë Demokratike kanë dorëzuar kërkesën për regjistrimin në KQZ për zgjedhjet e 14 majit, e ndërsa “topi” është në fushën e Enkelejd Alibeajt.

B.K./SI.E./Shqiptarja.com

TAG:
• edi rama
• 3 marsi i pd
• zgjedhjet vendore 2023
• PD
• sali berisha
• enkelejd alibeaj