Opozita serbe kërkon anulimin dhe përsëritjen e zgjedhjeve në Beograd, nisin protestat dhe greva e urisë

 

Koalicioni “Serbia kundër dhunës”, që kundërshtoi rezultatin e zgjedhjeve parlamentare për Beogradin ka organizuar një protestë ku kërkon anulimin e tyre.

Liderët e koalicionit opozitar, Miroslav Aleksiç dhe Marinka Tepiç kanë nisur një grevë urie para ndërtesës së Komisionit Zgjedhor deri në anulimin e zgjedhjeve në Beograd.

Sipas tyre, në proces ka pasur parregullsi të shumta dhe kërkojnë ripërsëritjen e zgjedhjeve. 

“Kërkojmë nga Komisioni Zgjedhor që të anulojnë zgjedhjet në Beograd, për shkak të mashtrimit dhe parregullsisë së rezultateve, për shkak të cenimit të vullnetit zgjedhor të qytetarëve të Beogradit. Do t’i dërgojmë të gjitha provat dhe materialet që kemi mbledhur gjatë ditës së djeshme, të cilat tregojnë qartë se rezultati i arritur nga partia Progresive serbe në Beograd është arritur falë njerëzve që janë sjellë për të votuar në Beograd, edhe pse nuk jetojnë atje. Kemi një situatë ku ka ardhur për të votuar ministri i Bosnjë-Hercegovinës, që është e paprecedentë dhe nuk bëhet fjalë për ndonjë rregullsi. Prandaj, këto zgjedhje duhet të anulohen”, tha Miroslav Aleksiç.

Lajmi kryesor:

Zgjedhjet në Serbi, Vuçiç shpall fitore! Merr shumicë absolute, 129 nga 250 deputetë! Shaip Kamberi siguron sërish mandat

B.V/Shqiptarja.com

TAG:
• serbi
• aleksander vucic