Përplasje këto në organet e drejtësisë, ku përmes kallzimeve penale respektive, duke përfshirë në këtë mënyrë dhe gjykatën, e cila si gjithnjë mban anën e ish-mazhorancës në pushtet, sot në opozitë, po na japin në mënyrë të detajuar prognozën e atmosferës me të cilën politika do prezantohet në këtë fushatë elektorale, e para për Bashën si kryetar partie dhe e para për Ramën si kreu i qeverisë. Kështu ndërtimet pa leje tashmë janë kthyer në objektin kryesor të kësaj përplasjeje, ku sipas radhës nuk rreshtin paditë mes bashkisë dhe Ministrisë së Brendshme dhe të INUK. Prishja e ndërtimeve pa leje në kryeqytet ka sjellë dhe debate shumë të forta mes Bashkisë së Tiranës dhe strukturave të qeverisë të ngarkuara me shembjen e tyre.
Gjithçka ka filluar me vendimin e Gjykatës së Tiranës, që ka rrëzuar kërkesën e njësisë hetimore Task-Forcë për pezullimin e drejtuesit të INUV të bashkisë së kryeqytetit Florenc Hoxha. Vendimi mësohet të jetë marrë ditën e djeshme, ku gjatë procesit gjyqësor prokurori ka kërkuar në mungesë caktimin e masës së sigurimit të “Pezullimit nga detyra” e kreut të INUV Florenc Hoxha. Për të vijuar me faktin që po dje Bashkia e Tiranës ka bërë kallëzim penal për ministrin e Brendshëm Saimir Tahiri, Drejtorin e Policisë së Shtetit, Artan Didi dhe për ish-kreun e INUK Zyhdi Dajtin.
Sipas Bashkisë së Tiranës këta zyrtarë kanë “shpërdoruar detyrën”, sa i takon ndërtimeve pa leje në kryeqytet. Po ditën e djeshme, INUK i është kundërpërgjigjur kryebashkiakut Basha menjëherë për akuzat e bëra si dhe kallzimet penale, teksa ka dorëzuar në Prokurorinë e Rrethit Gjyqësor Tiranë, kallëzim penal ndaj dy funksionarëve të Bashkisë Tiranë Florenc Hoxhën e Vullnet Topallin.
INUK e ka paditur drejtorin e Policisë Bashkiake Tiranë, Vullnet Topalli, për veprën penale “shpërdorimi i detyrës”. Për të njëjtën shkelje INUK ka kallëzuar penalisht edhe Florenc Hoxhën, i cili aktualisht mban detyrën e kryeinspektorit të Inspektoriatit Ndërtimor Urbanistik, Bashkia Tiranë. Por INUK e ka zgjeruar më tej rrethin e denoncimeve para drejtësisë, teksa ka bërë padi dhe për kryetarin dhe ish-kryetarin e komunës Udenisht. Njëherësh ka paditur në Prokurorinë e Pogradecit për shpërdorim detyre Durim Toska, kreunaktual i Komunës Udenisht, e Nexhmi Dokollarin, ish-kryetar i kësaj komune.
INUK ka dorëzuar në Prokurorinë e Rrethit Gjyqësor Tiranë dhe kallëzim penale për Kryetarin e Komunës Prezë e ish-sekretarin e KRRT, komuna Prezë. Sipas INUK Ahmet Halili, ish-kryetar i KRRT e Luan Llubani ish-sekretar i KRRT-së komuna Prezë akuzohen për vepër penale “Shpërdorimi i detyrës” e kryer në bashkëpunim nga neni 248 dhe 25 i Kodit Penal. INUK thekson se këta shtetas në bashkëpunim kanë favorizuar ndërtimin e një objekti në kundërshtim me parashikimet ligjore.
Rama e lajmëroi reformën në INUK
Reforma në INUK e paralajmëruar nga kryeministri Edi Rama ka nisur të japë me më shumë forcë produktin e vet, e prezantuar përmes aksionesh të njëpasnjëshme për pastrimin e Tiranës dhe gjithë Shqipërisë nga ndërtimet pa leje që u kanë zënë frymën qyteteve. Kështu, gjatë takimit me drejtuesit e policisë të mbajtur më 25 gusht të këtij viti në lidhje me luftën ndaj krimit të mjedisit dhe mbrojtjen e territorit, Kryeministri Rama ka njoftuar shkrirjen e Inspektoratit Ndërtimor Urban Kombëtar dhe brenda 30 ditëve transformohet në funksion të punës së Policisë së Shtetit. Kjo ka sjellë rritjen e efikasitetit të kësaj njësie kundër ndërtimeve pa leje, ndërkohë që ndërhyrjet pa leje në territor dhe në mjedis do të cilësohen njëlloj si krimet e rënda, përpjekje kjo për të evituar ndërtimet pa leje në gjithë vendin.
Shkrimi u botua në Shqiptarja.com (print) në 18 Shtator 2014
Redaksia Online
(d.a/shqiptarja.com)
Lajme të tjera
-
I shitën si kriminelë brenda në selinë e PD, e vërteta e fotos së njerëzve me maska të postuar nga Floriana Garo
6 Janar 2022, 19:25 -
Dhëndri i Berishës 'sherr' në Facebook me drejtorin e Policisë Bashkiake në kohën e Bashës, kërcënojnë njëri-tjetrin se do i zbulojnë të vërtetat
7 Dhjetor 2021, 17:07 -
Ndalimi i dhunshëm i Iftarit, Rama: Është çmenduri e padëgjuar! Duhet qetësi, durim dhe besim! E diela i jep fund mallkimit të së shkuarës
22 Prill 2021, 11:46 -
‘Do kesh dëgjuar për mua’, specialisti në Vaqarr rrëfen si u kërcënua nga përfaqësues të PD: Florenc Hoxha më hyri në makinë e më goditi
22 Prill 2021, 11:41 -
Grupi i PD bllokon shpërndarjen e ushqimeve për iftar në Vaqarr, hetohet për plagosje Florenc Hoxha! 'Do ta bëj trupim vrima, vrima', i kërcënuari: Si më goditi në makinë
22 Prill 2021, 09:46 -
Marrëzia e PD, Florenc Hoxha ndalon iftarin e shtruar nga Elvis Naçi
22 Prill 2021, 07:26 -
'Shqipëria fiton', ish-drejtori i Bashës dhunoi mbështetësin e PS-së, Hoxha: I jap gjithkujt çfarë meriton! Veliaj: Rrugaçët e SHQUP-it do ta marrin atë që meritojnë më 25 prill
4 Shkurt 2021, 10:21 -
Ish-drejtori i Lulzim Bashës dhunon me mjete të forta mbështetësin e PS-së, përfundon në polici
3 Shkurt 2021, 22:24 -
Rënia e Fatmira Hajdarit, dosjet e bujshme nga Gërdeci tek lirimi i Ben Qimes, Gjin Nikës dhe Florenc Hoxhës
18 Qershor 2020, 16:08
-
Florenc Hoxha godet protestuesit që bënë thirrje kundër Lulzim Bashës (VIDEO)
19 Maj 2020, 11:27
