Vendet perëndimore nuk mund të përballojnë më integrimin e Ukrainës në NATO, tha kryeministri hungarez Viktor Orban në një intervistë me Tucker Carlson.
Në intervistën, e cila u publikua në X, kryeministri hungarez i tha ish-prezantuesit të Fox News se kishte një shans real për të integruar Ukrainën në Aleancën e Atlantikut të Veriut në samitin e NATO-s në Bukuresht në 2008, raportojnë mediat e huaja.
“Nuk kishte asnjë marrëveshje midis vendeve të mëdha perëndimore për ta bërë këtë, kështu që ideja u refuzua", tha Orban.
![]()
Ai tha: "Ne e humbëm mundësinë historike për ta bërë këtë për të integruar ukrainasit në NATO. Dhe kjo ‘dritare’ e këtyre mundësive nuk është më e hapur, kështu që ne nuk mund ta bëjmë këtë, për arsye se kjo do të nënkuptonte rrezik të menjëhershëm lufte për të gjithë ne, madje edhe në Uashington”, tha Orban.
Sipas kryeministrit hungarez, Aleanca e Atlantikut të Veriut duhet të "harrojë" integrimin e Ukrainës në NATO.
“Ne duhet të bëjmë një marrëveshje me rusët për arkitekturën e re të sigurisë për të ofruar siguri dhe sovranitet për Ukrainën, por jo anëtarësimin në NATO”, tha Orban.
Ukraina vendosi fillimisht t'i bashkohej aleancës nën Presidentin Leonid Kuchma në vitin 2002.
Pas samitit të NATO-s në Vilnius më 11-12 korrik, shefi i aleancës Jens Stoltenberg njoftoi se aleatët kishin miratuar një paketë prej tre elementësh që e afronin Ukrainën me NATO-n.
Udhëheqësit vendosën të heqin kërkesën për një Plan Veprimi Anëtarësimi, ata gjithashtu u angazhuan për të ofruar ndihmë ushtarake shumëvjeçare për Kievin dhe ranë dakord të themelojnë Këshillin NATO-Ukrainë.
NATO tha në deklaratën përmbyllëse se aleanca do të lëshojë një ftesë për Ukrainën për anëtarësimin e saj "kur aleatët të bien dakord dhe të plotësohen kushtet".
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)