Orban ‘provokon’ shfaqet në ndeshjen miqësore të Greqisë me shallin "Hungaria e Madhe”, plasin protestat në Kiev

Orban ‘provokon’ shfaqet në ndeshjen miqësore të Greqisë me shallin

1669124426_orban.PNG

Kryeministri hungarez Viktor Orban u shfaq në ndeshjen miqësore të ekipit të futbollit me Greqinë i veshur me një shall me një hartë të "Hungarisë së Madhe", me pjesë të shteteve fqinje në të, duke shkaktuar protesta nga autoritetet ukrainase.

Shamia përshkruan një hartë të Hungarisë me pjesë të një numri vendesh të BE-së, duke përfshirë Rumaninë dhe Ukrainën. 

Qeveria ukrainase ka njoftuar se do të thërrasë në protestë ambasadorin hungarez. 

“Promovimi i ideve revizioniste në Hungari nuk kontribuon në zhvillimin e marrëdhënieve ukrainas-hungareze. Ambasadori hungarez do të jetë i ftuar në Ministrinë e Punëve të Jashtme, e cila do të informohet për papranueshmërinë e aktit të Viktor Orban. Ne presim një falje zyrtare nga pala hungareze dhe një përgënjeshtrim të shkeljeve të integritetit territorial të Ukrainës”, shkroi zëdhënësi i Ministrisë së Jashtme Oleg Nikolenko. 

Edhe eurodeputeti rumun Alin Mituta foli për "sjellje të papërgjegjshme" nga ana e Orbanit. "Hungaria e Madhe" i referohet kufijve të Mbretërisë së Hungarisë deri në vitin 1918 dhe tokave të humbura pas përfundimit të Luftës së Parë Botërore.


Lajmi kryesor:

Rusia zyrtarizon tërheqjen nga Këshilli i Evropës! 10 shpërthime në Kherson, 1 viktimë


S.S/Shqiptarja.com
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

GJKKO firmos masë të dytë sigurie për Taulant Tushen

GJKKO firmos masë të dytë sigurie për Taulant Tushen