TIRANË- Drejtoria e Përgjithshme e Arsimit Parauniversitar ka lëshuar urdhërin për zëvendësimin e orëve të humbura nga tërmeti i 26 nëntorit.
Më saktësisht do të zëvendësohen ditët e bëra pushim në shkollat e Tiranës, Durrësit, Vorës, Kurbinit, Shijakut, Krujës, Lezhës, Mirditës, Rrogozhinës, Kamzës dhe Kavajës, në të cilat mësimi u ndërpre prej situatës së krijuar nga tërmeti i fuqishëm i 26 nëntorit.
Në Tiranë, Durrës, Vorë, Kurbin, Shijak, Krujë, mësimi do të zëvendësohet në datat 25 janar, 15 shkurt, 29 shkurt, 16 mars dhe 28 mars.
![](https://shqiptarja.com/template/img/NO_ALFA_Kuadrate shqiptarja.png)
Ndërkohë në Lezhë, Mirditë, Rrogozhinë, Kamëz dhe Kavajë mësimi do të zëvendësohet më 25 janar, 29 shkurt dhe 16 mars.
Urdhri është firmosur nga drejtori i Drejtorisë së Përgjithshme së Arsimit Parauniversitar, Selman Hodaj.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)