Receta

Oriz i kaurdisur me qepë me mish qingji në furrë nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 22 Mars, 10:55 | Përditesimi: 22 Mars, 10:57

Mish qingji me oriz në furrë

Përbërësit:

1 kg mish qingji
2.5 filxhanë oriz
2 qepë mesatare
2-3 lgj vaj ulliri
Kripë, piper

Përgatitja:

LEXO EDHE:
Fërgesë me speca, gjizë dhe domate nga zonja Albana

Ndezim furrën në temperaturën 200 gradë Celsius dhe vendosim mishin e qingjit të marinuar me kripë dhe piper. E lemë mishin për 30 minuta në furrë dhe më pas për 20 minuta të tjera në temperaturë të ulur në 80 gradë. Grijmë qepët hollë dhe i kaurdisim mirë derisa të zbuten dhe të lëshojnë aromë. Hedhim më pas orizin dhe vazhdojmë kaurdisjen. Heqim mishin e pjekur nga furra dhe vendosim racionet në një pjatancë duke i mbuluar me letër kuzhine ose me kapak që mishi të qëndrojë i butë. Vendosim orizin e kaurdisur tek tava, shtojmë ujë të vluar në raport 1-2 me orizin dhe e vendosim tavën në furrë në temperaturën 200 gradë Celisus për 25-30 minuta dhe më pas e servirim orizin së bashku me mishin e qingjit.

MC/Shqiptarja.com

TAG: