Besimtarët ortodoksë kremtojnë Pashkët, Meta: Sado i lartë mali i së keqes e mira do triumfojë

Presidenti Ilir Meta, ka uruar këto Pashkë, duke nënvizuar se sipas tij sado i lartë të duket "mali" i së keqes, e mira do të triumfojë.

"Të dashur besimtarë ortodoksë, Gëzuar Festën e Shenjtë të Pashkës, Ditën e Ngjalljes së Krishtit, të triumfit të jetës mbi vdekjen, të dritës mbi errësirën, të së mirës ndaj së keqes dhe të dashurisë mbi urrejtjen. Lutja e fundit e Krishtit mbi Kryq: “O Atë, fali ata, sepse nuk dinë se ç’bëjnë!”, na kujton se "helmimi" i familjes, i shoqërisë dhe i politikës nga fenomenet e errëta duhet luftuar me kryengritjen paqësore të madhështisë së dashurisë dhe faljes, që na mësoi dhe predikoi me vepra Biri i Perëndisë. Shumë përpiqen ta shmangin këtë parim, por siç na mëson Ungjilli: "Të bekuar janë ata, që frymëzohen nga falja, e cila buroi nga varri i Krishtit. Të bekuar janë ata, që kërkojnë dashurinë e Tij, që kapërcen çdo mendje”.

Festa e Dritës, që kurrë nuk perëndon, na kujton sot se sado i lartë të duket "mali" i së keqes, e mira do të triumfojë sepse shpresa me besimin në Zot nuk vdes asnjëherë, por ajo është e gjallë dhe do të ngjallet si Krishti. Me urimet më të përzemërta për popullin shqiptar, për më shumë shëndet, paqe e begati në familjet tuaja! GËZUAR PASHKËN! KRISHTI U NGJALL! VËRTET U NGJALL", thuhet në urimin e Metës.

LEXO EDHE:
Meta jep porositë e fundit para Konventës: Të gjithë si Tedi Blushi! Ashtu bëhet opozitë

Lajmi kryesor:

Pashkët ortodokse, Rama: Gëzuar! Meta: E mira do triumfojë! Ruçi: Me dashuri të luftojmë sëmundjet! Basha: Drita e ringjalljes i mbushtë zemrat tuaja me shpresë

K.T./B.K./Shqiptarja.com

TAG:
• edi rama
• Ilir Meta
• pashket
• pashket ortodokse
• kisha ortodokse