Osmani pret në takim ambasadorin amerikan, flasin për aplikimin e Kosovës në BE dhe situatën në veri

Presidentja e Kosovës, Vjosa Osmani, ka pritur sot në takim ambasadorin amerikan, Jeff Hovenier, me të cilin kanë biseduar për zhvillimet në veri të vendit dhe aplikimin e vendit për anëtarësim në Bashkimin Evropian.

 “Presidentja Vjosa Osmani ka pritur në takim të rregullt ambasadorin e SHBA-ve, Jeffrey Hovenier më të cilin bisedoi për zhvillimet e fundit e në veçanti rreth dorëzimit të aplikimit për anëtarësim në Bashkimin Evropian. Presidentja Osmani theksoi se ky përbën një hap të rëndësishëm për përmbushjen e vizionit të Kosovës për integrim në strukturat euroatlantike.” – është shkruar në facebook-un e saj.

LEXO EDHE:
'Nëse Moska depërton vijën e frontit, ne do të ofrojmë ushtarë për Kievin', oferta e Macron trondit BE-në! NATO: Kërcënime hibride nga Kremlini

Në fund, është bërë e ditur se kanë diskutuar edhe për zhvillimet në veri të vendit.

“Në takim u diskutua po ashtu edhe për zhvillimet në veri të vendit. Presidentja Osmani nënvizoi përkushtimin e institucioneve të Republikës për koordinim të rregullt e të vazhdueshëm me Shtetet e Bashkuara dhe aleatët e tjerë.” – ka thënë ajo.

Lajmi kryesor:

Kurti dorëzon në Pragë aplikimin e Kosovës për anëtarësimin në BE: Ditë historike! Vuçiç: Veç kërkesës nga NATO për 1 mijë trupa, do kërkojmë tërheqjen e njohjes nga shumë shtete

G.MO/Shqiptarja.com

TAG:
• serbi
• tensione ne veri te kosoves
• BE
• Vjosa Osmani
• Albin Kurti
• Bruksel