Përfundon historia e dashurisë 
mes Fatjonit dhe Xhensilës

Shtëpia e Big Brother mesa duket, çdo çifti që krijohet aty brenda i jep 'mallkimin' e saj. Pas Albës dhe Diedonit, çifti i rradhës që duket se i ka dhënë fund lidhjes së krijuar brenda në shtëpi është Fatjoni dhe Xhensila.

Këto dyshime lindën menjëherë pas postimit të një statusi shumë të drejtpërdejtë nga ana e Fatjonit në faqen e tij zyrtare në Facebook, ku lajmëron ndarjen nga Xhensila dhe falënderon të gjithë fansat për mbështetjen.

Siç thotë dhe ai vetë, 'ka ardhur koha për stimuj të rinj'. Ajo që mbetet e paqartë dhe lind pikëpyetje rreth vërtetësisë së lajmit, është fakti se statusi është fshirë pak minuta pas publikimit.

Ndërkohë asnjë prej të dyve nuk ka reaguar deri tani për ta vërtetuar apo përgënjeshtruar lajmin e ndarjes.

Redaksia Online
(m.p/shqiptarja.com)