POP 5

Lajmet më të lexuara të 5 minutave të fundit

Sport

Përralla e skuadrës së Bosnjës,
nga rrënojat e luftës në Botëro

Fitorja në Lituani e dergon ne Brazil. Ishte viti 1993, horror kudo, konflikt multietnik dhe goditje snajperash që dërguan në agoni një prej qyteteve më të bukura, Sarajevën.
Fitorja në Lituani e dergon ne Brazil. Ishte viti 1993, horror kudo, konflikt multietnik dhe goditje snajperash që dërguan në agoni një prej qyteteve më të bukura, Sarajevën. Drama e Bosnje-Hercegovinës reflektohej edhe në sport në stadium ku dukeshin shenjat e plumbave dhe granatave ndërsa 20 vite më pas historia merr hak. Me një emocion që vetëm futbolli di ta ofrojë, Bosnja siguron për herë të parë kualifikimin në një Kampionat Botëror.

Djemtë e drejtuar nga Safet Sushic prenë biletën për në Brazil pas fitores 1-0 në Lituani ndërsa grupin e dominuan me prepotencë duke siguruar 25 nga 30 pikët e mundshme. Ky është brezi i artë i futbollit boshnjak që edhe në 2010 dhe 2012 i shkoi shumë pranë kualifikimit, por u ndal në Play–Off në të dyja rastet nga Portugalia. Mijera njerëz kanë festuar si të çmendur në shesh ndërsa skuadrën në fushë e udhëheq Dzeko, Pjanic , Lulic dhe kapiteni Emir Spahic.

Të gjithë djemtë nga 20 deri në 30 vjec të cilët ndoshta dy dekada me parë do të kishin marrë armët per të luftuar kundër vëllezërve serbë e atyre kroat.

Por ashtu sic ndodh shpesh në emër të futbollit festime për Bosnjën ka pasur jo vetëm në Sarajevë, por edhe deri në Banja Luka, kohë me parë armike. Një ndjenjë e përbashkët dhe e pabesueshme është kualifikimi për trajnerin Safet Sushic që sqaron: "Vendi eshte i mbytur nga problemet politike dhe ekonomike të cilat reflektohen edhe në futboll, por fakti që do të shkojmë në Brazil do të na ndihmojë. Kjo skuadër i bashkon njerëzit.

Pak vite më parë kurrë nuk do ta kisha menduar që te na mbështesnin boshnjake, serbë dhe kroatë, por tani gjithcka ka ndryshuar. Përralla e Bosnjës tashmë është bërë realitet nga rrënojat e Luftës në Boteror dhe e kaluara tashmë mbetet thjesht një ëndërr e keqe".


(v.gj/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Polonia akuzon Rusinë se po planifikon akte terroriste kundër linjave ajrore në mbarë botën

Polonia akuzon Rusinë se po planifikon akte terroriste kundër linjave ajrore në mbarë botën

15 Janar, 22:35