‘Pa gjurmë’/ Bëri këngë me Shpat Kasapin, pak ditë më vonë zhduket këngëtari i tallavasë, rikthehet historia e Renit të Elbasanit

Këngëtari Renato Hamza është deklaruar i zhdukur që prej 29 qershorit të vitit 2014.  Ai humbi që pas videoklipit që realizoi me këngëtarin Shpat Kasapi, i njohur me emrin Reni i Elbasanit.  Dyshimet e para ishin se e rrëmbeu ish-e dashura e tij. Lajmi asokohe u bë publik edhe në media. 21-vjeçari i njohur si Reni nuk dihet se ku ndodhet prej mbrëmjes së 29 qershorit. Familjarët e tij bënë denoncimin në Polici duke akuzuar se gjithçka ndodhi për hakmarrje nga ish-e dashura.

Ngjarja nisi vite më parë, kur Reni ishte vetëm 17 vjeç dhe njihet me një vajzë fqinje në qytetin e Elbasanit. Ajo vinte nga Tirana dhe kishte një lidhje jashtëmartesore me Renin, edhe pse ishte 5 vjet më e madhe se ai. Për familjarët, Reni ishte një djalë shumë familjar dhe i dashur me të gjithë. Por ditën e zhdukjes Reni nuk erdhi më në shtëpi, madje fiku edhe telefonin celular.

Po atë ditë Reni është parë në një mjet ngjyrë qumështi me ish-të dashurën brenda, në rrethrrotullimin e 1 Majit. Policia nisi kërkimet, por dy miqtë e Renit që u shoqëruan për t’u marrë në pyetje thanë se nuk e kishin parë. Reni i Elbasanit është shumë i dëgjuar nga publiku. Ai ka publikuar disa këngë në bashkëpunim me këngëtarë e muzikantë të tjerë.

Autoritetet shoqëruan edhe ish-të dashurën e këngëtarit, vajzën me iniciale D.D, e cila pati deklaruar në polici se nuk ka asnjë lidhje me zhdukjen e Renatos. Sot Renato është 25 vjec, ndërsa nëna e Renit, Silvana kërkon e pikëlluar me lot në sy një përgjigje për të birin. Renato u zhduk më 29 qershor të 2014 një muaj para se të lindte vajza e tij, e cila sot është 4 vjeçe.

Këngëtari i humbur Renato Hamza (Reni Elbasanit )

Mamaja e djalit, ka thënë në studion e ‘Pa gjurmë’ se ka dyshime se djali i saj është zhdukur.

Është dhunuar djali. Kam pyetur ku është djali im. Më dhanë një numër, fola me të. Më tha që nuk kishte dijeni për djalin. Më tha që i kishte dhënë lekë Renatos. Para se të zhdukej, ishte në rregull. Gjithmonë ka qenë në rregull. Kërkoj djalin tim. Ka 4 vite që është zhdukur. Vajza e tij e vogël kërkon babain. Shteti të veprojë.

Mamaja e djalit në studion e Pa gjurmë

Vijon...

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Policia plan masash kundër kultivimit të kanabisit, kontrolle në gjithë territorin! Nga maji, Guardia di Finanza me monitorim nga ajri

Policia plan masash kundër kultivimit të kanabisit, kontrolle në gjithë territorin! Nga maji, Guardia di Finanza me monitorim nga ajri