Gjetja e forcës punëtore po bëhet e vështirë edhe në sektorin e blegtorisë. Pas ofrimit të pagave 1,000 euro/muaj për punonjëset e pastrimit nga bizneset e jugut, paga në këtë nivel po ofrohen edhe për pozicionin e stallierit në ferma.
Shkëlqim Ajazi, drejtuesi i një ferme me 60 krerë lopë në fshatin Lozhan të Korçës, pohon se prej kohësh gjendet në vështirësi, për gjetjen e fuqisë punëtore. Nëpërmjet një njoftimi të publikuar në rrjetet sociale, ai kërkon të punësojë punonjës në pozicionin e stallierit me pagë mujore 1,000 euro, duke përfshirë edhe akomodimin në shtëpi me qira të paguar prej tij, përveç shtëpisë pranë stallës.
“Niveli i pagës prej 1,000 euro është i përballueshëm prej nesh, por edhe me këtë pagë që ofrojmë nuk po arrijmë të gjejmë punonjës. Vërtet që jemi në vështirësi për punonjës. Vendasit, preferojnë më tepër të punojnë, në blegtori me pagesë 40 euro dita në Greqi, sesa të jetojnë në Shqipëri. Sivjet vështirësia e gjetjes së punonjësve është shtuar shumë. Vjet arrinim të gjenim edhe me paga më të ulëta se 1,000 euro”, pohoi ai i kontaktuar nga Monitor.
Në fermën e drejtuar prej tij rriten viçat e rritur, shiten më pas për konsum mishi. Ajazi thotë se çmimet e lëndëve ushqyese për kafshët kanë mbetur të pandryshuara, nuk ka shtim të kostove, ndërsa mbetet problem konkurrenca e importit. Sipas tij viçat që vijnë për shitje nga Bullgaria janë me çmim 50 deri 60 euro më lirë sesa ata vendas.
Mungesa e fuqisë punëtore ka shtuar kërkesën për punësime për staf shërbimi me rroga deri 1,000 euro në muaj, edhe në zonat bregdetare.
Përveç punësimeve për shefa kuzhinë me paga nga 3,000 – 3,500 deri 5,000 euro në muaj në struktura të veçanta, apo kamarier me pagë 1,000 euro dhe ndihmës/kamarier me pagë 800 euro, tashmë nga bizneset në Jug po kërkohen edhe punonjëse për pastrimin me rrogë mujore 800 deri 1,000 euro.
Në njoftimin e publikuar më herët në një nga pallatet zonës “5 maji” në Tiranë një biznes në Sarandë ofronte punësim për punonjëse pastrimi me pagë nga 800 deri 1,000 euro në muaj, përfshirë akomodim dhe ushqim falas.
Me vështirësitë në rekrutimet po përballen shumë sektorë të ekonomisë. Nisma për marrjen e punonjësve nga Azia pas largimeve masive të forcës së punës vendase në emigracion pothuajse ka dështuar. Janë të shumtë drejtuesit e kompanive prodhuese dhe ofrimit të shërbimeve që më herët kanë pohuar se janë tërhequr nga marrja në punë e të huajve nga frika e largimit të tyre, pasi në shumë raste Shqipëria përdoret si vend tranzitor për t’u punësuar drejt shteteve të BE-së.
Por nuk ishte vetëm frika e braktisjes së vendit të punës, që solli tërheqjen apo hezitimin e shumë kompanive shqiptare, që gjenden në nevojë imediate për punonjës, të rekrutojnë aziatikët. Kostoja e lartë e mbajtjes së tyre, duke filluar me pagesat neto mujore, akomodimi për fjetje dhe ushqim që minimalisht arrin deri 600 apo 700 USD, nuk justifikon rendimentin e punës që ofrojnë punëtorët e ardhur nga Bangladeshi apo Nepali./Monitor
Komente
Lajme të tjera
-
Speciale/ Blegtorët në udhëkryq, të zgjedhin kullotat apo emigrimin! Realiteti i trishtë i çobanëve që udhëhiqen nga pasioni (VIDEO)
20 Prill, 18:16 -
Sarandë, blegtorët në protestë: Shteti të ndërhyjë në treg, kërkojmë rritjen e çmimit të qumështit dhe subvencione si në vendet e rajonit
23 Shkurt, 16:02 -
Korçë/ Fermerët e blegtorët në protestë në Devoll, rreshtojnë traktorët para Drejtorisë së Bujqësisë
10 Shkurt, 11:03
-
Mario Duraku, i riu kuksian ruan traditën në blegtori! 28-vjeçari: Mbarështimi i deleve, trashëgimi ndër breza! Shteti nuk na mbështet me subvencione
4 Shkurt, 15:26
-
Baxhot dhe fabrikat po i falimentojnë, blegtorët e Jugut në protestë, bllokojnë aksin nacional: Qumështi shitet lirë, shteti të ndalë monopolin
22 Janar, 16:31
-
Kukës/ Banorët i rikthehen blegtorisë, Sabri Hutra: E hoqa tufën para një dekade, sot kam 40 dele, sebep djali që u kthye nga Anglia
21 Janar, 15:25
-
Vlorë/ Grumbulluesit ulin çmimin e qumështit, blegtorët: Me 120 lekë/litri, nuk mbulojmë shpenzimet! Do shesim bagëtitë
14 Janar, 15:27
-
Osman Kastrati, berberi nga Kukësi që u bë blegtor! 50-vjeçari ngre fermë me 200 bagëti dhe 16 qen rrace
24 Dhjetor 2023, 18:02
-
Blegtoria në rënie/ Qeveria lehtëson blerjen nga jashtë të bagëtive, hiqet TVSH-ja në import për kafshët e gjalla
1 Nëntor 2023, 09:26
-
Ikja e të rinjve në Kukës, bie interesi për blegtorinë! I moshuari: Fshati Morinë ka 15 lopë, i ruajmë me radhë
18 Qershor 2023, 15:57
-
Personazh/ Ismail Dida, blegtori në Kukës që përkujdeset çdo ditë për 250 dele: Blegtoria po ‘braktiset’, të rinjtë po ikin! S’ka subvencione (VIDEO)
8 Maj 2023, 11:24
-
Puna e papaguar e grave, njihuni me Vera Mullahun, fermeren e palodhur në Petresh të Elbasanit: S’kam përfituar gjë përveç lodhjes, shpresë emigracioni
7 Maj 2023, 17:47
Strehimi dhe ushqimi eshte brenda asaj 1000 euros,apo llogaritet vec?
PërgjigjuKeni tall trrapin 20 vjet me shqiptarët me rroga qesharaka e sot që ju erdhi veza te bytha keni fillu me kto propozime me nga 1000€ rroga
Përgjigju