POP 5

Lajmet më të lexuara të 5 minutave të fundit

Ekonomi

VIDEO/ Paga mesatare në vitin 2021 u rrit me 8.4%, në fund të dhjetorit arriti në 59.5 mijë lekë! Rrogat më të larta tek financierët, më të ulta në bujqësi

Gjallërimi i aktivitetit ekonomik në vitin e kaluar dhe përmirësimi i ekonomisë së vendit pas goditjes së fortë që mori nga pandemia në vitin 2020, ka bërë që të rritet paga mesatare në vend.

Në raportin e fundit të publikuar INSTAT raporton se në tremujorin e fundit të vitit 2021 paga mesatare mujore bruto është 59.565 lekë dhe është rritur me 8,4 %, krahasuar me të njëjtin tremujor të vitit të kaluar. Rritja e pagave është 4.614 lekë në raport me tremujorin e katërt të vitit 2020.

Pavarësisht përmirësimit ekonomik, bujqësia vijon të ketë pagat më të ulta, me rreth 39.8% më pak sesa paga mesatare në vend.

“Gjatë tremujorit të katërt 2021, paga mesatare mujore bruto për një të punësuar me pagë në sektorin e aktiviteteve financiare dhe të sigurimit është 2,1 herë më e lartë sesa mesatarja në nivel kombëtar me pagë mesatare 122.106 lekë, ndërsa në grup-aktivitetin e Bujqësi, pyje dhe peshkim është 39,8 % më e ulët me pagë vetëm 35.881 lekë”, thuhet në raportin e INSTAT. 

Pas financierëve, aktiviteti ekonomik me pagat më të larta janë tek Informacioni dhe komunikacioni me paga në nivelin 90.7 mijë lekë, ndjekur nga Administrata publike dhe mbrojtja; sigurimi social i detyrueshëm; arsimi; shëndetësia dhe aktivitete të punës sociale me paga 70.694 lekë, më pas vijnë aktivitetet e pasurive të paluajtshme dhe Arte, argëtim dhe çlodhje.

“Krahasuar me të njëjtin tremujor të vitit të kaluar, gjatë tremujorit të katërt 2021, paga mesatare bruto për grup-aktivitetin e Tregtisë; transportit; aktivitetet e akomodimit dhe shërbimit ushqimor, ka rritjen më të madhe prej 11,8 %, ndërsa rritjen më të vogël e ka aktiviteti i Aktivitete të pasurive të paluajtshme; Aktivitete shkencore, profesionale dhe teknike; aktivitete të shërbimeve administrative dhe mbështetëse prej 5,7 %”, vijon më tej raporti.

/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • inflacionifiiuuu: 10/03/2022 21:01

    Po cmimet me sa jane rritur me 30%? Dmth kemi dale minus. U be si te humori me Ceken: me kete rritje qe na u be as per brisqe nuk na dalin!!!

    Përgjigju
  • Ekonomisti: 10/03/2022 18:04

    Me keto rritje çmimesh rrogat sa vjen e ulen. Thone po rriten rrogat 10 perqind e nga ana tjeter rriten çmimet 100 perqind.

    Përgjigju
  • Sondazhi i ditës:

    PS pritet të rikandidojë shumicën e kryebashkiakëve aktualë, si mendoni?

Lajme të tjera



×

Lajmi i fundit

‘Mos hajde në shtëpi pa fitore se nuk ta hap derën’, Kiara bind Luizin të mos lërë Big Brother nëse ajo eliminohet

‘Mos hajde në shtëpi pa fitore se nuk ta hap derën’, Kiara bind Luizin të mos lërë Big Brother nëse ajo eliminohet

22 Mars, 17:02