Pagat e reja për Forcat e Armatosura! Nga forcat speciale deri te mjekët e infermierët e ushtrisë, ja shtesat dhe 8 kategoritë që përfitojnë

Efektivët e Forcave Speciale, ato Komando, zhytësit e Forcës Detare, skuadrat e kërkim - shpëtimit, specialistët e Mbrojtjes nga Armët e Dëmtimit në Masë, Policia Ushtarake, e deri te mjekët dhe infermierët që shërbejnë në uniformë janë kategoritë që do të përfitojnë nga rritja e pagës sipas vendimit të fundit të Qeverisë. Ministria e Mbrojtjes dha detaje për këtë rritje dhe strukturat e veçanta të cilat përfitojnë më shumë.

Konkretisht:

- efektivët e Forcave Speciale do të kenë trajtim financiar shtesë që shkon deri në 40000 lekë në muaj;

LEXO EDHE:
Trajtimi financiar shtesë nga 80 mijë – 100 mijë lekë në muaj, ja sa përfitojnë efektivët e Forcës Ajrore

- Forcat Komando 30000 lekë në muaj;

- ndër këto kategori janë edhe efektivët e kërkim – shpëtimit, të cilët do të marrin deri në 30000 lekë në muaj shtesë mbi pagën;

- efektivët e Asgjësimit të Mjeteve Shpërthyese, do të marrin deri 25000 lekë shtesë në muaj;

- ndërsa ata të Mbrojtjes nga Armët e Dëmtimit në Masë deri në 25000 lekë në muaj;

- ndërkaq deri në 25000 lekë në muaj do të jetë trajtimi financiar shtesë që do të marrin efektivët e Policisë Ushtarake;

- një kategori e veçantë janë edhe mjekët e infermierët që shërbejnë në FA. Për mjekët është përcaktuar që të kenë një trajtim financiar shtesë deri në 25000 lekë në muaj, ndërsa për infermierët deri në 18000 lekë shtesë mbi pagën në muaj.

Përmes kësaj rritjeje page, Ministria e Mbrojtjes shpreson që të rritet jo vetëm  motivimi i efektivëve aktualë, por të shërbejë edhe si një nxitje për rekrutim, për të gjithë të rinjtë për t'u bërë pjesë e Forcave të Armatosura.

TAG:
• ministria e mbrojtjes
• rritja e pagave
• Forcat e Armatosura

Sondazhi i ditës:

Shqipëria hap negociatat me BE për kapitullin 1, kur do ndodhë integrimi?

• Brenda 2030

  59%

• Pas 2030

  30.5%

• Nuk e di

  10.5%

Vota total: 1688

Votat totale janë unike

• Sondazhi i ditës:

  Shqipëria hap negociatat me BE për kapitullin 1, kur do ndodhë integrimi?

  Brenda 2030 Pas 2030 Nuk e di