POP 5

Lajmet më të lexuara të 5 minutave të fundit

Ekonomi

Paketa fiskale 2025/ Dhoma e Tregtisë e biznesi me 28 propozime: Pagesat vetëm në lekë, gjobë kush paguan në valutë

Dhoma e Tregtisë në Tiranë dhe shoqatat e biznesit i kërkojnë qeverisë të ndalojë pagesat në valutë brenda vendit, si dhe të vendosen gjoba për të gjithë ata që i bëjnë transaksionet në euro apo dollarë. Biznesi kërkon masa të ashpra për të ulur pagesat me para në dorë si dhe ulojë ta taksave.

Tirane-  Në Shqipëri pagesat të bëhen vetëm me lekë. Ky është propozimi që biznesi i bën Ministrisë së Financave, në kuadër të Paketës Fiskale 2025. Edhe pse qeveria nuk e ka shoqëruar projektbuxhetin 2025 me ndryshime tatimore, Dhoma e Tregtisë Tiranë dhe shoqatat e biznesit kërkojnë nga Ministria e Financave që të ndalohen transaksionet në valutë brenda vendit, madje në rastet ku ndodh, të vendosen edhe penalitete.

Në dy prej propozimeve thuhet të merren masa për uljen e parasë cash që qarkullon në vend si dhe të ndalohen transaksionet në monedha të huaja dhe të vendosen penalitetet nëse nuk respektohet.

Një masë e tillë është paralajmëruar gjatë verës edhe nga guvernatori i Bankës së Shqipërisë Gent Sejko i cili pati deklaruar që duhet të ndalohen pagesat në euro brenda vendit. Ndërkohë për Report TV, Banka qendrore sqaroi se synimi është ndalimi veçanërisht i transaksioneve të brendshme individ-individ, individ-biznes apo biznes-biznes, për blerje me pakicë dhe në vlerë të vogël ku pagesa në euro është e panevojshme. Si opsion për të ulur përdorimin e euros në vend, është edhe caktimi i një tavani sesa do të jetë vlera e lejuar për të paguar në euro.

Kufizimi i përdorimit masiv të euros për pagesa brenda vendit, sjell pasoja pozitive për ekonominë dhe familjet shqiptare, pasi ulet ekspozimi nga rreziku i luhatjeve në kursin e këmbimit dhe nga ana tjetër, do të ulte informalitetin në këmbimin euro-lekë.

Një tjetër propozim i bërë nga biznesi ka të bëjë edhe me rishikim të paketës së deeuroizimit të miratuar në 2017-ën, ku parashikohen masa për zhvillimin e sistemit të pagesave, marrje borxhi, kredi apo pagesa kryesisht në Lekë.

“Hartimi i një plani veprimi midis MF dhe Bankës së Shqipërisë lidhur me deeuroizimin dhe parandalimin e pastrimit të parasë duke u angazhuar me një model menaxhimi me fokus këtë problem për prodhimin dhe familjet, si dhe për rritje të transparencës”, thuhet në propozimet e biznesit.

Po ashtu biznesi sugjeron që Ministria e Financave të hartojë një plan me bankat për të ulur qarkullimin e parasë cash, nga vendosje pragut të lejuar, edukimi, gjurmimin e pasurive, hetim të llogarive offshore etj.

Në 28 propozimet e bizneseve ka edhe kërkesa për rishikimin e taksave, nga rritja e TVSH-së së rimbursueshme për fermerët në 20% nga 0 që është sot apo ulje të TVSH-së për industritë prodhuese në 5-7%. Propozimet shkojnë deri tek rishikimi i taksës së ndikimit në infrastrukturë, përjashtimet nga taksat doganore apo akciza për lëndë të ndryshme e deri tek rimbusim automatik i TVSH-së.

S.G/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu