POP 5

Lajmet më të lexuara të 5 minutave të fundit

Ekonomi

Paketat financiare, Denaj: Përfituan 230 mijë qytetarë! Ende nuk kanë marrë pagën 40 mijë lekë mbi 43 mijë përfitues

Burime nga Ministria e Financave pohojnë se procesi vijon dhe të dhënat nuk janë përfundimtare, dhe se një shifër të saktë për numrin e përfituesve do ta kemi në fund të javës që vjen.

Rreth 230 mijë qytetarë kanë përfituar nga ndihmat financiare të qeverisë. Ministrja e Financave ka publikuar të dhënat, paraprake se sa është numri i përfituesve deri më tani. Sipas shifrave, kanë përfituar pagën e luftës prej 26 mijë lekësh 64 mijë e 904 punonjës, ndërkohë që është në përfundim lëvrimi i këstit të tretë për këtë kategori. Në total deri më tani janë dhënë mbi 5 miliardë lekë për pagën e luftës 26 mijë lekë, nga 6.5 miliardë lekë që u parashikua në fillim për pagat. Ndërkohë sa i takon paketës së dytë, deri më tani kanë marrë bonusin prej 40 mijë lekësh 166 mijë e 571 punonjës dhe ish-punonjës. Referuar të dhënave të bëra publike edhe më herët rezulton se janë edhe mbi 43 mijë punonjës që nuk kanë marrë pagën prej 40 mijë lekësh, pasi me rishikimin e VKM-së 305 ku u përfshinë të larguarit nga puna nga 1 marsi deri më 17 maj, u rrit edhe numri i përfituesve, nga 176 mijë në 210 mijë.

Burime nga Ministria e Financave pohojnë se procesi vijon dhe të dhënat nuk janë përfundimtare, dhe se një shifër të saktë për numrin e përfituesve do ta kemi në fund të javës që vjen. Aktualisht në Drejtorinë e Tatimeve po punohet me punonjësit që duhet të aplikojnë vetë pasi biznesi nuk ka aplikuar, me ankesat nga qytetarët për procesin si dhe me formularët e dorëzuar nga bizneset me arsyet e mos aplikimit.

Në përfundim të këtyre fazave Administrata e tatimeve do të vijojë me masat ndëshkuese për të gjitha ata biznese që nuk kanë aplikuar për punonjësit e tyre, dhe për çdo aplikim të munguar ata do të gjobiten me 50 mijë lekë.

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu