Paloka: Xhafaj të largohet një orë e më parë, ja çfarë po bën në zyrë

Nënkryetari i Partisë Demokratike, Edi Paloka, ka deklaruar se ministri i Brendshëm, Fatmir Xhafaj, duhet të largohet një orë e më parë.

Paloka shkruan në ‘Facebook’ se Xhafaj duhet të jetë rasti i vetëm në botë që kapet në flagrancë duke shkelur ligjin dhe fshihet pas karriges së ministrit të Brendshëm.

Sipas tij, kanë kaluar mbi 24 orë që kur shqiptarët panë se si vëllai i tij kapet në pazare droge, por Xhafaj bën sikur nuk ka ndodhur asgjë.

Pse hesht Ministri i Brendshëm? Fatmir Xhafaj duhet të jetë rasti i vetëm në botë që kapet në flagrancë duke shkelur ligjin dhe fshihet pas karriges së Ministrit të Brendshëm.

Kanë kaluar më shumë se 24 orë që kur shqiptarët panë sesi vëllai i Ministrit të Brendshëm kapet në pazare droge, por Fatmir Xhafaj bën sikur nuk ka ndodhur asgjë. Fatmir Xhafaj duhet të largohet një orë e më parë.

LEXO EDHE:
Ervin Salianji letër nga burgu i përgjigjet Ramës: Më paracaktove dënimin! Je arkitekti i bashkerendimit të punëve me kriminelët për votën

Çdo orë në zyrën e Ministrit të Brendshëm:

1. Prish provat e lidhjeve të të vëllait me trafikun e drogës

2. Pengon hetimin e të vëllait për trafik droge

3. Pengon arrestimin e tij për vuajtjen e dënimit me 7 vjet e dy muaj burg.

4. Pengon zbatimin e ligjit antimafia.

Edi Paloka, deputet i PD

(Postimi i Edi Palokës në 'Facebook')

TAG:
• fatmir xhafaj
• edi paloka
• agron xhafaj