POP 5

Lajmet më të lexuara të 5 minutave të fundit

Sociale

Liqeni i Prespës së Vogël nuk ekziston më! Fshatarët djegin kallamishten, largohet pelikani kaçurrel e dhjetëra shpendë ujorë (VIDEO)

Liqeni i Prespës së Vogël nuk ekziston më. Prej vitesh ishte kthyer në një kënetë të mbushur me kallamishte. Tashmë edhe kallamishtet janë djegur duke e kthyer në një tokë të shkretë. Zjarrin e kanë vendosur banorët e fshatrave të Devollit me qëllim për të hapur toka të reja bujqësore, duke shkaktuar një dëm të jashtëzakonshëm për biodiversitetin. Të gjithë shpendët përfshirë dhe pelikanin kaçurrel janë larguar nga Prespa e Vogël.

Liqeni i Prespës së Vogël prej vitesh ishte kthyer në kënetë me kallamishte. Banorët e fshatrave të Devollit e kanë djegur kallamishten nga Shpella e Trenit e deri në afërsi të kufirit grek, duke zhdukur çdo gjurmë të liqenit të kënetezuar. Sipërfaqja e zhuritur shkon në rreth 40 hektarë.

Ekspertët e mjedisit ngrenë alarmin se zjarret kanë shkatërruar në mënyrë të pakthyeshme ekosistemin duke zhdukur habitatin e pelikanit kaçurrel dhe shpendëve e gjallesave të tjera.

Llazo Stojani, ekspert mjedisi tha se “pelikanët kur vinin për herë të parë në shkurt bënin folenë në Prespë të Vogël dhe në Prespën shqiptare, tani pelikani ka ikur se i është djegur shtëpia, foleja. Shumë shpend, rosa, lejlek, zogj të ndryshëm me djegien e kësaj hapësire mendoj se do ta braktisin”.

Ndërsa Enver Llomi, kryetar i fshatit Zagradec shprehet se thuajse çdo vit në këtë periudhë është djegur kallamishtja ne vjeshte. Njerëz të papërgjegjshëm i vënë shkrepsën. Sipërfaqja e djegur është 30-49 hektarë”.

Rastet e zjarreve në liqenin e Prespës së Vogël janë të përvitshme, sidomos gjatë vjeshtës, ndërsa ndërhyrja e institucioneve inekzistente. Qëllimi i banoreve është hapja e tokave të reja bujqësore.

“Pellgu i Prespës do varfërohet në aspektin e biodiversitetit, por ata (banorët) mendojnë se me tharjen e liqenit do shtohet sipërfaqja e tokës së mbjellë. Ky liqen ka qenë pjesë e pellgut të Prespës së Madhe e të Vogël. Pelikanët kur vinin bënin fole, me djegien e sipërfaqes ai ka ikur, i është djegur foleja. Ka shpendë të ndryshëm si rosa, lejlekë, por me djegien do largohen. Prespa e Vogël do varfërohet, jeta natyrore do zvogëlohet, do pakësohet dhe si pasojë do ndihet më vonë dhe kjo është diçka negative”, tha Stojani.

Liqeni i Prespës së Vogël ishte kthyer në një kënetë për shkak të devijimit të rrjedhës së Vëntrokut, pjesë e lumit Devoll në vitet ‘70. Sic shihet në pamjet nga ajri sipërfaqja e liqenit ishte mbuluar nga kallamishtet. Sot nuk ka mbetur më asgjë, pasi kallamishtet janë bërë shkumb e hi, duke sjelle deme të pakthyeshme në Parkun Natyror të Prespës.

R.D/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 16/11/2024 01:59

    Nje pyetje per ekspertin e mjedisit,z.Stojani,ata shpende me cfare ushqehen? Me perjashtim te roses qe ushqehet me barishte e ndonje krimb.lejleku e pelikani ushqehen me peshk e krustace.Ku e gjejne ushqimin ne nje liqen te tharre?!Vdekja e liqeneve vjen nga shume arsye,ndryshimet klimatike,temperaturat e larta,ndryshimi,tharrja e burimit,ndikimi i njeriut,por dhe kallamishtet.Kallamishtet e perhapura shume e pa kontroll ndikojne ne kenetezimin e liqenit duke zvogeluar siper.ujore,pakesuar qarrkullimin e ujit,rritur dioks.e karbonit e ulur oksigjenin ne uje duke ndikuar negativisht per jeten ne brendesi te liqenit,por dhe rreth brigjeve te tij,prandaj duhen mbajtur nen kontroll perhapja e tyre qe te kete mjaftueshem vend per shpendet,peshqit e cdo gje qe varet nga liqeni.

    Përgjigju
  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

A do votojë diaspora? Krashi në 'Repolitix': Patjetë që do bëhet! Pano Soko: PD-PS nuk kanë vullnetin ta zbatojnë! Daci: Përfiton vetëm mazhoranca

A do votojë diaspora? Krashi në 'Repolitix': Patjetë që do bëhet! Pano Soko: PD-PS nuk kanë vullnetin ta zbatojnë! Daci: Përfiton vetëm mazhoranca

18 Dhjetor, 22:18