Panariti në panairin e agrobiznesit në Berat: Shtohen subvencionet në 2016

Ministri i Bujqësisë Edmond Panariti, ishte në qytetin e Beratit, ku është hapur panairi i agrobiznesit. Aty janë prezantuar prodhimet vendase të zonës. Përgjatë pedonales së qytetit dhjetëra biznese prezantuan produktet e tyre, ku vendin kryesor e zinin verërat, ulliri, frutat dhe perimet e zonës.
 
Ministri Panariti i shoqëruar nga drejtuesit e bujqësisë dhe mbrojtjes së konsumatorit në këtë qytet dhe pushtetarët vendor pa nga afër prodhimet e prezantuara në këtë panair, ndërsa u shpreh se ato po shtohen dhe po shndërrohen në vlera duke u prezantuar denjësisht jo vetëm në tregun tonë të brendshëm, por dhe atë ndërkombëtar.
 
“Ndonëse Qarku i Beratit në fillim të këtij viti ka pasur problem me përmbytjen, prodhimet bujqësore në këtë qark janë dyfishuar dhe mund të themi se ky ka qenë një vit i begatë, u shpreh ministri Panariti. Këtë vit janë dyfishuar veçanërisht eksportet e perimeve, ashtu siç është rritur sipërfaqja e mbjellë me serra. Veç faktit që kemi pasur një vit të begatë në sasi vlen të përmendet fakti se kemi pasur dhe cilësi në prodhimet bujqësore”, tha Ministri Panariti.
 
Duke e cilësuar si mjaft të rëndësishëm bujqësinë në rritjen e të ardhurave ministri u shpreh se për vitin që vjen do të ketë më shumë investime dhe subvencione në këtë fushë. 

  • Sondazhi i ditës:

    Ftesa e Ramës, a duhet të kthehen emigrantët që punojnë në turizëm?



×

Lajmi i fundit

Në kërkim nga Kosova për dhunën ndaj personazhit të TikTok, Gjykata e Durrësit liron Noizyn! Garanci pasurore 50 mln lekë të vjetra