POP 5

Lajmet më të lexuara të 5 minutave të fundit

Ekonomi

Pandemia nxiti përdorimin e internetit! INSTAT: Rritet me 12.1% numri i familjeve që kishin akses në teknologji, burrat më të varur se gratë

Pandemia COVID-19 ka nxitur qytetarët që të shkojnë drejtë përdorimit të teknologjisë, për punë, për të blerë apo për të marrë shërbime të ndryshme. Përdorimi i internetit ka arritur kulmin gjatë karantinës, ku i vetmi mjet komunikimi ku mund të merrje informacion dhe të kryeje pagesa apo blerje ishte teknologjia.

Pandemia nxiti përdorimin e internetit! INSTAT: Rritet me 12.1% numri i familjeve që kishin akses në teknologji, burrat më të varur se gratë

Pandemia COVID-19 ka nxitur qytetarët që të shkojnë drejtë përdorimit të teknologjisë, për punë, për të blerë apo për të marrë shërbime të ndryshme. Përdorimi i internetit ka arritur kulmin gjatë karantinës, ku i vetmi mjet komunikimi ku mund të merrje informacion dhe të kryeje pagesa apo blerje ishte teknologjia.

Të dhënat e INSTAT tregojnë se gjatë vitit të kaluar nga grup-mosha 16 - 74 vjeç, e përdorin internetin 72,2 % e popullsisë, nga të cilët 88,2 % e përdorin çdo ditë.  Ndërkohë në vitin 2019 ky tregues ishte 68.6% kishin përdorur internet në tre muajit e fundit nga momenti i kryerjes së intervistës, nga të cilët 87,1 % e përdorin atë në baza ditore.

Rritet aksesi i familjeve në internet

Bazuar në raportin e fundit të INSTAT  për “Përdorimin e Teknologjisë së Informacionit dhe Komunikimit në Familje”, thuhet se gjatë vitit të kaluar 440.390 familje kanë akses në internet me rrjet fiks broadband tregues i cili ka shënuar rritje prej rreth 12,1% krahasuar me 2019.

Përdorimi i TIK sipas gjinisë

Përdorimi i internetit në vitin 2020 si për burrat edhe për gratë shënon vlerat më të larta, duke shënuar rritje prej 3,6 pikë përqindje, krahasuar me vitin 2019. Gjatë vitit 2020, 73,2 % e burrave dhe 71,2 % e grave të grup-moshës 16-74 vjeç janë përdorues të internetit “gjatë 3 muajve të fundit” nga momenti i kryerjes së intervistës.  Varësinë më të lartë ndaj përdorimit të internetit e kanë burrat, pasi 51,1% e të intervistuarve shprehen se e përdorin internetin çdo ditë, ndërsa përdorimi i tij “të paktën një herë në javë” dominohet nga gratë me 53,8 %.

Sa i përket blerjeve nëpërmjet internetit, sipas gjinisë, gjatë vitit 2020 gratë kanë kryer më shumë blerje për: “produkte shtëpiake”, “produkte për kujdes personal  si dhe produkte për fëmijë apo lodra për ta. Ndërkohë burrat kanë shfaqur preferenca më shumë në blerjet për mallra sportive, shërbimet e ushqimit nga restorante si dhe filma, serialë apo DVD.

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46