POP 5

Lajmet më të lexuara të 5 minutave të fundit

Ekonomi

Pandemia po frenon rritjen e tregtisë, eksportet në tetor arritën në vlerën e 27 mld lekëve

Tregtia vijon të jetë në rënie. Në muajin tetor eksportet dhe importet pësuan një rënie të lehtë krahasuar me tetorin e vitit të kaluar. Sipas INSTAT në 10 muaj kemi eksportuar mallrave arritën vlerën 221 mld lekë, duke u ulur me 12,2%, dhe importuar 9.7% më pak.

Kufizimet e reja që po rikthejnë disa shtete për të mos lejuar përhapjen e pandemisë, nuk po lejojnë tregtinë që ti rikthehet normalitetit. Sipas të dhënave të INSTAT eksportet në muajin tetor arritën në 27 miliardë lekë, duke pësuar një rritje prej 6 %, në krahasim me shtatorin e këtij viti, ndërsa në raport me të njëjtën periudhë të një viti eksportet ishin në rënie prej 0.9%.

Nga ana tjetër importet në muajin e kaluar ishin 59 miliardë lekë me rënie prej 0.01% krahasuar me tetorin e 2019, por nga muaji shtator 2020 rritja është 13,1 %.

Rënia e tregtisë është e ndjeshme në 10 mujor. Të dhënat tregojnë se nga janari në tetor janë eksportuar mallrave arritën vlerën 221 mld lekë, duke u ulur me 12,2 %, krahasuar me një vit më parë dhe importet e mallrave arritën vlerën 488 mld lekë, duke u ulur me 9,7 %, krahasuar me një vit më parë.

Ndërsa kontributin më të madh në përmirësimin e situatës në muajin e kaluar e ka dhënë kategoria e produkteve ushqimore. Sipas INSTAT eksportet e “Ushqimeve, pijeve, dhe duhanit” u rritën me +2,7%, ndjekur nga “Materialet e ndërtimit dhe metaleve” me rritje 2%, dhe makineri e pjesë këmbimi me rritje 1.9%. Ndërsa negativisht kanë ndikuar përsëri grupi i tekstileve dhe këpucëve, energjia elektrike dhe kategoria e lëkurës dhe produkteve të saj. 

Shtetet me të cilat kemi pasur më shumë shkëmbime tregtare muajin e shkuar ishin Kosova, Gjermania dhe Greqia. Ndërsa për importet në vend të parë renditen Turqia, Serbia dhe Zvicra.

er.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qene per ju viti 2024?

Lajme të tjera



×

Lajmi i fundit

Trump mbështet Musk mbi çështjen e vizave për punonjësit e huaj të kualifikuar

Trump mbështet Musk mbi çështjen e vizave për punonjësit e huaj të kualifikuar

29 Dhjetor, 16:51