POP 5

Lajmet më të lexuara të 5 minutave të fundit

Ekonomi

Pandemia thellon varfërinë, BB: 60% e familjeve të varfra në Shqipëri rrezikohen nga mungesa e ushqimit

60% e familjeve të varfra në vend rrezikojnë të mbeten pa ushqim. Ky është konkluzioni i errët i fundit i Bankës Botërore, e cila thotë se si pasojë e pandemisë në vendet në zhvillim do të rritet ndjeshëm kequshqyerja. Goditja më e fortë do të jetë tek familjet me mbi 3 fëmijë.

Pavarësisht masave të ndërmarra pandemia COVID-19, do të thellojë varfërinë në shumë shtete në zhvillim. Në fillim ishte FMN që parashikonte një ulje të ardhurave për frymë në vend me 425 dollar, ndërsa Ministria e Financave parashikon e 267 euro më pak për çdo qytetar.

Tanimë parashikimet janë bërë më të zymta pasi edhe situata ekonomike e vijon të jetë në rënie. Banka Botërore thotë se kequshqyerja  do të rritet ndjeshëm për shkak të pandemisë COVID-19.  Edhe pse në Shqipëri nuk kemi të dhëna të sakta për nivelin e varfërisë, Banka Botërore paralajmëron se 60% e familjeve të varfra  do të rrezikohen nga mungesa e ushqimit. Edhe në rast se ushqimi nuk do të mungojë cilësia e tij do të jetë jo e mirë.

Në anën e kundërt të medaljes janë të pasurit, që sipas vlerësimit të institucionit financiar ndërkombëtar, vetëm 10% e tyre mund të preken nga kequshqyerja.  Po ashtu bazuar në të dhënat 50% e familjeve me mbi 3 fëmijë kanë të ngjara që të kenë edhe problemet më të mëdha.

E gjithë kjo situatë do të shoqërohet me pasiguri, që sipas vlerësimit të Bankës Botërore do të jetë më shumë shqetësuese tek fëmijët kryesisht të moshës 2-3 vjeçare duke ju shkaktuar ç’rregullime në sjellje, sëmundje dhe mungesë arsimimi në moshë të rritur.

Ky është parashikimi i dytë i zymtë i bankës Botërore e cila në muajin maj doli në konkluzionin se varfëria në vend do të rritej me më shumë se 5% dhe që rreth 485 e popullsisë do të jetojë me më pak se 5.5 dollar në ditë.

Pjese nga raporti i Bankës Botërore

I.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Itali/ Shqiptari hakmerret ndaj ish-partneres, tenton ta vrasë me aksident pas ndjekjes në rrugë! Kapet në arrati, i nxori makinën nga rruga, vajza plagoset

Itali/ Shqiptari hakmerret ndaj ish-partneres, tenton ta vrasë me aksident pas ndjekjes në rrugë! Kapet në arrati, i nxori makinën nga rruga, vajza plagoset

24 Janar, 15:42