POP 5

Lajmet më të lexuara të 5 minutave të fundit

Papa Françesku: Furnizimi i Ukrainës me armë është moralisht i pranueshëm nëse përdoren për vetmbrojtje

Papa Françesku tha të enjten se furnizimi i Ukrainës me armë nga kombe aleate është moralisht legjitim pasi e ndihmojnë vendin që të mbrohet nga agresioni rus.

Papa Françesku: Furnizimi i Ukrainës me armë është moralisht i pranueshëm nëse përdoren për vetmbrojtje

Papa Françesku

Papa Françesku tha të enjten se furnizimi i Ukrainës me armë nga kombe aleate është moralisht legjitim pasi e ndihmojnë vendin që të mbrohet nga agresioni rus.

Duke folur me gazetarët në bordin e një aeroplani ndërsa po kthehej nga një udhëtim tre-ditor në Kazakistan, Papa Françesku i kërkoi Kievit të ishte i hapur ndaj dialogut eventual, edhe pse e di se ishte e vështirë për palën ukrainase.

Në një konferencë shtypi 45-minutëshe, një gazetar e pyeti Papën nëse ishte moralisht e drejtë që vendet të dërgonin armë në Ukrainë.

“Ky është një vendim politik, i cili mund të jetë moral, moralisht i pranueshëm, nëse bëhet në kushte morale”, tha Françesku.

Ai shpjegoi parimet e "Luftës së Drejtë" të Kishës Katolike Romake, të cilat lejojnë përdorimin proporcional të armëve vdekjeprurëse për vetëmbrojtje kundër një kombi agresor.

"Vetëmbrojtja nuk është vetëm e ligjshme, por edhe shprehje e dashurisë për atdheun. Ai që nuk mbron veten, që nuk mbron diçka, nuk e do atë. Ata që mbrojnë (diçka) e duan atë", tha ai.

Duke shpjeguar ndryshimin midis asaj se kur është morale apo imorale të furnizosh armë në një vend tjetër, Françesku tha:

"Mund të jetë imorale nëse qëllimi është të provokojë më shumë luftë, ose të shesë armë. Motivi është ai që në një pjesë të madhe e cilëson moralin e këtij veprimi," tha ai.

Papa ishte në Kazakistan për të marrë pjesë në një kongres të udhëheqësve fetarë nga e gjithë bota, ku patriarku Kirill i Moskës – i cili mbështet luftën në e Rusisë dhe Putinin -, anuloi pjesëmarrjen.

 

D.GJ/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57