Papa Leoni XIV vizitoi xhaminë Sultan Ahmed në Stamboll, të ashtuquajturën “xhami blu”, në nderim të vendit kryesor të kultit të metropolit turk. Robert Francis Prevost është Papa i tretë që viziton këtë xhami pas Benediktit XVI në vitin 2006 dhe Françeskut në vitin 2014. Ndryshe nga paraardhësit e tij, Leoni nuk vizitoi Shën Sofinë,  e cila ndodhet përballë, dhe që presidenti turk e ka shndërruar nga muze në xhami vitet e fundit.

Papa nuk u ndal për një moment të qartë lutjeje në heshtje, siç bëri Benedikti XVI – vizita e tij ndodhi pak muaj pas incidentit të fjalimit të Regensburgut, që shkaktoi kundërshtime të forta në botën myslimane — dhe, vite më vonë, edhe Françesku.

"Më thanë se do të lutej," shpjegoi Asgin Tunca, muezini i xhamisë, për gazetarët , "dhe unë thashë po, dhe i thashë: nëse dëshiron të kryejë një akt adhurimi, mund ta bëjë, kjo është shtëpia e Allahut, por ai tha: jo, unë preferoj të vizitoj xhaminë, të ndiej atmosferën e xhamisë, mendoj. Ai bëri disa pyetje, ia shpjegova, ishte një moment shumë miqësor." Pra, ai nuk u lut? "Ndoshta individualisht, nuk e di," u përgjigj përfaqësuesi mysliman, "të gjithë mund të flasin me Zotin."

"Papa e kaloi vizitën e tij në Xhami në heshtje, në një frymë reflektimi dhe dëgjimi", komentoi zyra e shtypit e Selisë së Shenjtë, "me respekt të thellë për vendin dhe për besimin e atyre që ishin mbledhur atje në lutje".

Leo XIV u prit nga Myftiu i Madh i Stambollit dhe muezini, të cilët shpjeguan historinë dhe arkitekturën e vendit. E ndërtuar në vitin 1600 nën sundimin e Sulltan Ahmetit I, xhamia është e zbukuruar me 21,043 pllaka qeramike ngjyrë turkeze, duke i dhënë asaj nofkën "Xhamia Blu".

Si çdo vizitor i xhamisë, Papa hoqi këpucët në hyrje, duke qëndruar me çorape të bardha. Leo ndaloi veçanërisht për të admiruar mirhabin, pikën që tregonte drejtimin e Mekës, të kurorëzuar nga një mbishkrim i një vargu nga Kurani, Surja 19, që lidhet me Marinë, një figurë e nderuar jo vetëm në Krishterim, por edhe në Islam. Në xhami, pa besimtarë, kishte edhe një sorrë, e cila fluturonte dhe klithte gjatë vizitës, dhe disa mace, kafshë shumë të respektuara në Stamboll../La Repubblica

 

Xh.D/A.A/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 3 Dhjetor, 08:56

    Çfarë mendoni për lëvizjen e Salianjit brenda PD?

Lajme të tjera