POP 5

Lajmet më të lexuara të 5 minutave të fundit

Kultura

Papa vjen në Tiranë bashkë me
'Mesharin' e dixhitalizuar të Buzukut

Papa Françesku vjen në Tiranë bashkë me një kopje të “Mesharit” të Gjon Buzukut, te cilen do t'ia dhuroje Bibliotekes Kombetare. Kështu ka deklaruar kryeministri Edi Rama gjatë hapjes së ekspozitës “Katolicizëm dhe kulturë” organizuar nga Biblioteka Kombëtare.
VIDEO
Ambasadori iraken në Vatikan: ISIS duan të vrasin Papën në Shqipëri
TIRANE - 21 Shtatori nuk shënon vetëm zbritjen e Atit të Shenjtë në tokën Shqiptare, por dhe ardhjen e një kopje të origjinalit të “Mesharit” të Gjon Buzukut të vitit 1555. Këtë lajm e ka bërë publik Kryeministri Edi Rama gjatë vizitës së tij në çeljen e ekspozitës “katolicizëm dhe Kulturë” në Bibliotekën Kombëtare mbi kulturën dhe literaturën katolike Shqiptare. Kreu i qeverisë tha se kërkesa që i bëri Papës gjatë takimit të tyre në Vatikan në Prill të këtij viti,  është mirëpritur nga Ati i Shenjtë.

“Dua ti uroj drejtores së re suksese dhe shpresoj që çelja e dyerve të bibliotekës dhe nisja e rrugëtimit të saj si drejtore e bibliotekës me këtë  buqetë surprizë të jetë një ogur shumë i mirë për të çuarjen më tej të punëve të nisura kaherë në Bibliotekën Kombëtare dhe njëkohësisht për hapjen e një faqeje të re në historinë e kësaj biblioteke që besoj se flet për detyrimin që u kemi lexuesve besnikë për të pasur një holl më të denje, për të pasur salla më të denja dhe për të pasur një trajtim më të denjë të të gjithë thesarit të Bibliotekës Kombëtare.

Nga ana tjetër besoj se ky është vendi i duhur, për tu thënë juve të parëve si lexues besnikë të bibliotekës një lajm që besoj se do tu gëzojë. Kam përfituar nga kontakti me Papën për ti kërkuar një kopje besnike të dixhitalizuar me teknologjinë më të lartë të “Meshari” –t të Gjon Buzukut për Bibliotekën Kombëtare. Kemi marrë konfirmimin se Papa do të vijë bashkë me këtë kopje unikale të Mesharit të Gjon Buzukut që do ti shtohet Bibliotekës Kombëtare. Për  të mos ju marrë më shumë kohë dhe për të mos marrë më tepër kohën e soditjes dhe të shijimit të buqetës që ka përgatitur drejtorja e bibliotekës, unë po e mbyll këtu me një falënderim të posaçëm për të gjithë ju që jeni të pranishëm dhe me dëshirën që falë pranisë së mediave, të tjerë të vijnë dhe ta shohin këtë ekspozitë që është sa modeste në përmasa, aq domethënëse në përmbajtje  dhe aq goditëse në mesazhin që vjen nga kohë shumë të largëta për një përkatësi të patjetërsueshme të këtyre trevave, tek një besim që e ka bërë Shqipërinë një vend europian ku jetojnë në harmoni  myslymanë dhe të krishterë, një vend europian ku të gjithë së bashku besojnë tek vlera dhe parimet që i përkasin  asaj ane të botës nga ku dielli lind dhe aty ku perëndon”, deklaroi shefi i qeverisë.
 
Ai theksoi se Papa po vjen në Shqipëri si një vend që jetojnë në harmoni si myslimanë dhe të krishterë. 
 
/Shqiptarja.com
  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Interi propozon shkëmbimin e Kristjan Asllanit me talentin e Serie A

Interi propozon shkëmbimin e Kristjan Asllanit me talentin e Serie A

5 Janar, 22:54