VLORE - 15 milionë lekë kishte paguar një 56-vjeçar për të marrë hakun e vëllait të tij të vrarë në vitin 2013, por fatmirësisht krimi është parandaluar nga policia duke vënë në pranga porositësin dhe vrasësin me pagesë.
 
Ngjarja ndodhi në orët e mbrëmjes të së martës në fshatin Lepenicë të Vlorës, ku u tentua të vritej në banesën e tij 53-vjeçari Lahe Jazaj. Policia e Vlorës mundi të arrestojë në kohë Luka Sherfajn 42 vjeç i cili kishte marrë 15 milionë lekë nga 56-vjeçari Mersin Alliaj, gjithashtu në pranga, për të vrarë për gjakmarrje Jazajn, pavaresisht se ky i fundit e kishte marre denimin per vrasjen e vellait te Alliajt. Ndërkohë, Ledion Muho u arrestua në cilësinë e bashkëpunëtorit në tentativën e vrasjes. Ata u arrestuan në flagrancë falë informacioneve të marra në rrugë operative, pak para se të kryenin vrasjen në afërsi të fshatit.

porositesit

Skema e vizatuar nga vrasesi i paguar, se si do te arratisjes pas kryerjes se krimit
skema
  1. Shtëpia e personit të planifikuar për t’u vrarë;
  2. Vendstrehimi ku ishte fshehur vrasësi i paguar
  3. rruga nga ishte parashikuar të largohej vrasësi
Në skemë, porositësi ka shënuar edhe rrugët nga kalon dhe nga nuk kalon zakonisht viktima

Vrasësi me pagesë prej ditësh kishte survejuar banesën e 53-vjeçarit dhe kishte bërë një plan të hollësishëm për arratisjen e tij pasi të realizonte krimin. Policia sekuestroi armën me të cilin Luka Sherifi do të vriste 53-vjeçarin Jazaj, një kallashnikov me një krerë me fishekë, një çantë në të cilën autori kishte maska, dorashka, ushqime dhe veshmbathje rezervë, si dhe një skicë e banesës dhe e vendit nga do të largohej. Vrasësi i paguar për këtë krim e ka pranuar ngjarjen.

vlore

Me të njëjtën skemë një vit më parë është tentuar të vritej edhe djali 17-vjeçar i Lahe Jazajt.
 
Historia e hasmërisë mes dy familjeve daton në 23 maj të vitit 2003 kur Lahe jazaj ka vrarë vëllain e porositësit, Bujar Alliajn. Për këtë krim 53-vjeçari është dënuar me 10 vite burg nga Gjykata e Vlorës, ndërsa Mersin Alliaj ka dashur të marrë hakun e vëllait në prag të përvjetorit të tij.
 
Luka Sherfin

Te arrestuar 
Luka Sherifi, vrasësi me pagesë, lindur ne Varibop Fier, dhe banues ne Vlore
Mersin Alliaj, porositësi i vrasjes 
Ledion Muho, bashkëpunëtor, 24 vjeç lindur dhe banues ne Vlore

Ne cilesine e proves materiale jane sekuestruar:
Automjeti Land Rover me targa AA334DV, brenda te cilit ndodheshin
nje arme zjarri automatik model 56 (kallashnikov),
doreza dhe
maska per te mbuluar fytyren
tuta kamuflazh
ushqime

Redaksia Online
(Gre.M/Shqiptarja.com)