Përmes skemës së re do t'u jepen 10 mijë lekë për hektarë për sipërfaqe të mbjellë me kultura bujqësore, por me kusht që sipërfaqja totale, për të cilën aplikohet, duhet të jetë jo më pak se 3 ha. Kushti tjetër që vitin që vjen do t'i përballë fermerët edhe me gjoba është trajtimi i mbetjeve bujqësore që mbeten, për t'i kthyer në pleh.

"Ne do të japim përsëri mbështetje për sipërfaqen e tokës, por duhet të kemi parasysh që këtë vit nuk do kemi penalitet por vitin tjetër penalitet do vendosen për të edukuar fermerin që nesër në qoftë se ti këtë tokën që ke mbjellë, ato kashtat që mbeten, jo t'i djegësh atje, po t'i marrësh dhe t'i futësh në një gropë dhe t'i bësh pleh, dhe në qoftë se ti nuk e bën këtë gjë, pra do të japim para me kushte dhe do t'u japim ata që kanë mbi 3 hektarë.

Gazetarja: Domethënë kush ka më pak s'përfiton.

Jo, nuk përfiton", sqaron zëvendësministri.

Jaupllari sqaron, se aq kaq para nuk janë mjaftueshëm për bujqësinë.

“Kërkesat e fermerëve janë gjithmonë rritja. Po, bujqësia do para shumë, por investimet në bujqësi kanë ardhur gjithmonë në rritje. Patjetër që u reflektuan kërkesat bazë të edhe ato mundësi që ata kishin për të thënë që ja ju keni gabuar këtu apo atje në këtë skemë përsëri, dhe ato janë reflektuar dhe ne sot kemi një qasje tjetër të një skemë”, thotë Jaupllari.


Lajmi kryesor:

Skema e re Kombëtare/ Më shumë para për fermerët, por s'ka naftë pa taksa! Zv.ministri i bujqësisë për Report TV: Aplikimet pas 20 prillit, fondet do të jepen me kushte