Parlamenti britanik refuzon një referendum të ri për Brexit-in

Me 334 vota kundër, parlamenti britanik ka votuar sot kundër mbajtjes së një referendumi të ri për Brexit-it.

Parlamenti po mban një sërë votimesh nëse do të shtyjë largimin nga blloku që është planifikuar për në 29 mars.

Procesi ka hyrë në një periudhë paqartësie pasi parlamenti britanik rrëzoi dy marrëveshje që parashikonin modalitetet e daljes së vendit nga BE.

 Bashkimi Evropian tha se Britania i ka dy rrugë: të largohet me ose pa marrëveshje dhe shtoi se blloku është i gatshëm për të dyja.

Ligjvënësit britanikë e kanë refuzuar planin e Mayt për Brexit kryesisht për shkak të një barriere fizike në ishullin e Irlandës.

Me këtë barrierë do të garantohej se nuk do të ketë kufi të fortë midis Republikës së Irlandës, e cila është anëtare e BE-së, dhe Irlandës Veriore, e cila është pjesë e Mbretërisë së Bashkuar, edhe nëse nuk ka marrëveshje për tregtinë dhe sigurinë. 

Ndërkaq Presidenti i Shteteve të Bashkuara, Donald Trump, tha se mirëpret një marrëveshje të gjerë tregtare ndërmjet SHBA-së dhe Britanisë së Madhe. 

Ekspertët kanë paralajmëruar se Brexit-i pa marrëveshje do të shkaktonte recesion në Britani dhe do të ngadalësonte rritjen ekonomike në BE.

TAG:
• brexit