Partia Socialiste do të nxjerrë më vete një fond prej 70 milion lekësh që do të shkojnë për banorët e prekur nga tërmeti në qarkun e Korçës. Lajmi është njoftuar nga Zëdhënësja e qeverisë, Elisa Spiropali në përfundim të mbledhjes së Kryesisë së PS. Ky fond do të shkojë në ndihmë të banorëve të Floqit, Qafëzezit dhe Vidohovës, të cilëve iu dëmtuan banesat për shkak të tërmeteve që prekën këtë zonë.
"Së pari, ne vendosëm që Partia Socialiste t'i bashkohet fondit të solidaritetit për banorët e prekur nga tërmeti në Qarkun e Korçës dhe konkretisht të alokojë një fond prej 70 milion lekësh. Bashkitë socialiste së bashku me biznesin, të cilit i është thirrje për t’u bashkuar në këtë fushatë solidariteti kanë kontribuar dhe do të ndërtojnë shtëpitë e banorëve të Floqit, të Qafëzezit, Vidohovës apo fshatrave të tjerë. Partia Socialiste ka vendosur t'i bashkohet kësaj fushate duke hequr nga fondet e saj dhe duke ia shtuar fondin e solidaritetit" tha Spiropali.
Kujtojmë se një kërkesë për fonde e bëri pak ditë më parë kryeministri Rama në një takim me banorët e Tiranës ku thoshte se duhej të kontribuonin edhe bashkitë socialiste me së paku një shtëpi të ndërtuar për çdo bashki. Ndërkohë kryebashkiaku i Tiranës, Erion Veliaj i është përgjigjur kësaj thirrje madje duke thënë se do të kontribuojë në ndërtimin e 4 banesave.
Kësaj kërkese i është përgjigjur edhe Bashkia e Elbasanit, e cila ka kontribuuar me një fond prej 3 milion lekësh. Gjithashtu, edhe Bashkitë e Librazhdit, Gramshit dhe Belshit me një fond prej 2.6 milion lekësh, si dhe Bashkitë e tjera. Ndërkaq, Bashkia e Prrenjasit e drejtuar nga LSI, Miranda Rira nuk i është bashkuar kësaj nisme, duke argumentuar se nuk ka fonde.
100 milion lekë,do të vihen në dispozicion nga Bashkia Korçë për ringritjen e shtëpive të dëmtuara nga tërmeti në Floq dhe zonat e tjera të dëmtuara në qytet e fshatra të bashkisë. Siç është raportuar më herët, nga përllogaritjet e bëra, dëmi i shkaktuar nga tërmetet kapte shumën rreth 250 milion lekë. Për të bërë të mundur grumbullimin e kësaj shume, janë vënë në lëvizje bashkitë e drejtuara nga socialistët, pas urdhrit të kryeministrit Rama, si dhe disa biznese private.
Këshilli i Bashkisë Fier ka akorduar sot 3 milionë lekë në ndihmë të familjeve të prekura nga tërmeti në Floq dhe zonat e tjera në Bashkinë Korçë. Ka qenë nisma e Bashkisë Fier për këtë mbështetje financiare, që ka nxitur një mbledhje jashtë radhe të Këshillit për të ndihmuar në rindërtimin e shtëpive të dëmtuara nga tërmeti.
Listës së Bashkive që kanë kontribuuar me fond për banorët e prekur nga tërmeti është edhe Vlora. Mësohet se ditën e sotme është mbledhur me procedurë të përshpejtuar Këshilli Bashkiak, ku me 22 vota 'pro' është rëndë dakord që të akordohet një fond prej 3 milion lekësh.
Bashkia e Elbasanit është solidarizuar me banorët e prekur nga tërmeti në Korçë duke vendosur akordimin e gjysmës së fondit të emergjencave si ndihma për ta.
Këshilli Bashkiak i Elbasanit miratoi një fond prej 3 milion lekësh të cilat do t’i kalojnë Bashkisë së Korçës për rindërtimin e shtëpive të shembura.
Në mbledhjen e Këshillit Bashkiak, kryetari i bashkisë, Qazim Sejdini ka thënë se bashkia e Elbasanit gjithmonë ka qenë e gatshme dhe është solidarizuar në raste të tilla emergjence.
Fondi i akorduar do të ndihmojë kryesisht zonën e Floqit, por edhe zona të tjera të prekura si në Devoll dhe Ersekë.
Këtij solidarizimi i është bashkuar edhe Bashkia e Librazhdit e cila akordoi një fond prej 2.6 milion lekë të reja e po ashtu bashkitë e Gramshit dhe të Belshit. Bashkia e Prrenjasit shprehet se nuk ka fonde ndërsa Bashkia e Cerrikut thotë se nuk e ka një udhëzim të tillë.
Komente
Lajme të tjera
-
Kuvendi në seancë të posaçme, kryeparlamentarja e Çekisë: Mbështesim anëtarësimin e Shqipërisë në BE! Ka rol të rëndësishëm kundër ndikimit rus
25 Nëntor, 17:18 -
'Mbi 100 mijë çekë po vijnë për turizëm në Shqipëri', Kryetarja e parlamentit çek vizitë zyrtare në Tiranë, takon Spiropalin
25 Nëntor, 13:15 -
Dita e Alfabetit, Kuvendi i Shqipërisë i dhuron Muzeut fotot e ditëve të Kongresit të Manastirit! Spiropali reciton 'Gjuha shqype' të Gjergj Fishtës
21 Nëntor, 19:03 -
Vrasja e 14 vjeçarit pranë shkollës 'Fan Noli'/ Spiropali takim me Grupin e Deputetëve 'Miqtë e fëmijëve': Të propozojmë ligje më të forta kundër dhunës
20 Nëntor, 14:59 -
Parlamenti/ Tensione të tjera në sallë, Dogjani kërkon fjalën para Idrizit dhe bllokon foltoren, ndërhyn dhe Garda! Pritet votimi i buxhetit (VIDEO)
19 Nëntor, 20:03 -
Sot 80 vjetori i Çlirimit të Tiranës nga pushtuesit nazistë, homazhe te ‘Ushtari i Panjohur’! Veliaj: Të lëmë përçarjet për përparimin e shoqërisë
17 Nëntor, 08:29 -
Samiti për klimën në Baku/ Spiropali takim me kryetaren e parlamentit të Azerbajxhanit
16 Nëntor, 22:27 -
Kuvendi/ Debate të forta, Bardhi: Hajduti dy metra intimidoi deputetët e opozitës! Shtyni me 3 javë afatin e Komisionit! Spiropali: Mos fyeni, e shtymë dy herë
14 Nëntor, 10:31 -
Ervin Salianji reagon nga Burgu i Fierit: Skandal, Spiropali nuk dërgon në SPAK hetimin e TIMS! Ndaj më burgosën, kamikaze e Ramës
14 Nëntor, 09:31 -
Spiropali pret homologun e Maqedonisë së Veriut Gashi: Shqiptarët faktor stabiliteti, respektimi i gjuhës shqipe dhe të drejtave i shërben integrimit
13 Nëntor, 14:32 -
Spiropali: Shqipëria, rol aktiv në bashkëpunimin dhe stabilitetin në rajon
7 Nëntor, 16:45 -
'Ke marrë rolin e Nafijes...', Spiropali ironizon Nokën: Na kishe munguar, i ke pak të vjetëruara këto metaforat
7 Nëntor, 11:11
bravo PS po kjo PD sa do japi ,a po i duhen parate pere te destabilizuare vendin
Përgjigju