POP 5

Lajmet më të lexuara të 5 minutave të fundit

Politikë

Partitë e vogla ankesë në KQZ, nuk
u janë dhënë aq para sa donin

 Partitë e vogla ankohen në Komisionin Qendror të Zgjedhjeve, për ndarjet e parave vjetore për partitë politike. 
TIRANE- Partitë e vogla ankohen në Komisionin Qendror të Zgjedhjeve, për ndarjet e parave vjetore për partitë politike. Partitë PSD, PDS, FRD, AK dhe PDK kanë depozituar në KQZ një kërkesë për rishikimin e vendimit të institucionit ku ka bërë shpërndarjen e fondeve të partive politike, të cilat shërbejnë si ndihmesë financiare për mbijetesën e tyre. Në vendimin e KQZ-së theksohet se parat vjetore i marrin partitë që kanë mandate deputetësh në Kuvend, si edhe partitë që kanë marrë mbi 1% të votave në rang kombëtarë. Kësisoj sipas këtij vendimi, theksohet se para marrin PS, PD, LSI, PR, PDIU dhe FRD. Partia e Bamir Topit, pavarsisht se është përfituese, sërish kërkon ankimimin e vendimit pasi kjo forcë politike ka marrë 1.7% të votave në rang kombëtar.

“PS ka 41.36% të votave dhe ka marrë 7.858.400 lekë. PD ka 30.63% të votave dhe ka marrë 5.819.700 lekë. LSI ka 10.46% të votave dhe ka marrë 1.987.400 lekë. PR ka 3.02% dhe ka marrë 573.800 lekë. PDIU ka 2.61% ka marrë 495.900 lekë. FRD  ka 1.70% ka marrë 323.000 lekë”, theksohet në vendimin e Komisionit Qendror të Zgjedhjeve. Kësisoj, nga parat e shpërndara si ndihmesë financiare vjetore nuk ka përfituar asnjë nga dy aleatët kryesorë të PS-së, PSD e Skënder Gjinushit dhe PDS e Paskal Milos. Por krahas kësaj, edhe partia e Nard Ndokës, ku vetë ky është deputet nuk ka përfituar nga këto para pasi kryetari i PDK-së është zgjedhur deputet nga listat e kandidatëve të Partisë Demokratike dhe për rrjedhojë, parat e mandatit të tij i kanë shkuar PD-së.

Ndër ankuesit është edhe Kreshnik Spahiu i partisë Aleanca Kuq e Zi, i cili që pas përfundimit të zgjedhjeve të 23 qershorit u zhduk nga arena politike. Por me afrimin e zgjedhjeve vendore të vitit 2015 duket se këto forca politike po kërkojnë më shumë para, në mënyrë që të fillojnë procesin elektoral që tani me takime me strukturat e partisë që të jenë të përgatitur për zgjedhjet.

Shkrimi u publikua sot 29 prill 2014 në gazetën Shqiptarja.com (print)

Redaksia online
(d.a/shqiptarja.com)    

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Francë/ Përplasen rëndë dy tramvaje në Strasburg, 30 të plagosur (VIDEO)

Francë/ Përplasen rëndë dy tramvaje në Strasburg, 30 të plagosur (VIDEO)

11 Janar, 16:44