TIRANE- 65 parti politike janë inekzistente pavarësisht se ato figurojnë si aktive. Në tryezën e organizuar dje nga KQZ, sekretari i Përgjithshëm i institucionit theksoi se puna për kontrollin e partive politike është bërë tepër e vështirë pasi pjesa më e madhe e tyre janë pa adresë selie dhe nuk dihet se ku janë. Duke folur lidhur me amendamentet që u propozuan për auditivin e fondeve të subjekteve politike, ai kërkoi që ligji aktual të ndryshojë pasi vetë KQZ e ka të pamundur që t’i kontrollojë.

Ai propozoi më tej rekomandimin e KQZ ku thuhej se partitë politike duhet të kalonin në disa filtra përsa i përket fondeve që marrin. Sipas tij, subjektet politike duhet të auditohen çdo vit kalendarik si edhe çdo vit zgjedhor nga ekspertët kontabël të KQZ-së.