Partizani madhështor, mposht Teutën në Durrës! Titulli enigmatik, Laçi dhe Vllaznia rikthehen fuqishëm (VIDEO)

Partizani është ringjallur në përballjen më deçizive të këtij sezoni të Superligës. Të kuqtë kanë fituar 0-1 kundër Teutës, që sot kishte shansin të mbyllte llogaritë për kampionatin në rast fitoreje. Në Niko Dovana vendosi goli i Erald Çinarit i kombinuar me një gabim të rëndë të Stivi Frashërit. Falë kësaj fitoreje Partizani është ngjitur në vendin e parë me 62 pikë, po aq sa Teuta e vendit të dytë, që ka disavantazhin e ndeshjeve direkte.

Ndërkohë fitorja e Partizanit ka rikthyer në garë për titull edhe Laçin me Vllazninë. Skuadra kurbinase e Shpëtim Duros falë fitores 0-1 në kryeqytet kundër Tiranës ka shkuar në kuotën e 60 pikëve. Golin e fitores e realizoi Mentor Mazrekaj me goditje dënimi. Sakaq po me 60 pikë është edhe Vllaznia, që sot mposhti minimalisht 1-0 Kastriotin, që nga ana tjetër rrezikon shumë për të zbritur nga kategoria.

Pas javës së 34 të kampionatit vendi i parë që mbahet nga Partizani dhe i katërti nga Laçi ndahen me vetëm dy pikë.

Në ndeshjet e tjera Skënderbeu ka mposhtur pastër 2-0 Apoloninë, duke u ngjitur për herë të parë në vendin e shtatë, ndërsa Kastrioti është ajo që ka rënë në ‘play-of’ për të dalë nga kategoria aktualisht. Sfida tjetër e ditës së sotme është fituar 2-1 me përmbysje nga Kukësi kundër Bylisit.

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Çfarë mendoni se do të krijojë situata në PD me mbledhjen e dy Kuvendeve?



×

Lajmi i fundit

John

Kancelari i ri/ Premtimi i Olaf Scholz: Frymë e re për Gjermaninë