POP 5

Lajmet më të lexuara të 5 minutave të fundit

Sport

Partizani sfumohet në Lushnje,
Teuta heroike ndal Skënderbeun

Teuta nuk ka arritur që të mundë ekipin e Skënderbeut në Korçë, pasi ndeshja përfundoi në barazim 1-1. Ndërsa Partizani ka humbur në Lushnje me rezultatin 2-0 duke mos bindur as me lojë.
Lushnja ka rikthyer Partizanin me këmbë në tokë pas fitores së derbit të kryeqytetit përballë ekipit të Tiranës. Lagunarët e drejtuar nga trajneri i njohur tashmë për publikun shqiptar, Bano ka arritur që të mundë Partizanin e madh me dy gola, por mbi të gjitha edhe me një lojë të mirë duke i kthyer të kuqtë në inekzistentë në fushën e blertë që për 90’ minuta, që mirë që nuk pësuan më shumë nga vendasit.

Në pjesën e parë Koreshi ka humbur një mundësi të mirë, pas një asisti të dhënë nga Cela nuk arrin të gjuajë saktë në portë duke humbur një rast të artë. Në të 43-ën një pasiguri e portierit Hoxha mund ta kishte ndëshkuar Partizanin, por mbrojtja e kuqe ndërhyn në kohë. Në pjesën e dytë, Partizani akoma i pa vendosur mirë në fushë pëson golin e parë me anë të Trashit, që pasi shmangu disa mbrojtës, goditi saktë në hyrje të zonës duke mos i dhënë asnjë shans portierit Hoxha.

Pas golit Lushnja është më e qetë duke kontrolluar lojën me bindje, teksa në të 59’ me Koreshin realizon dopietë duke vulosur humbjen e Partizanit. Fitorja e Lushnjës mund të kishte qenë edhe më thellë nëse Canka do të tregohej më i qetë në rastet që iu paraqitën në minutat 72 dhe 81. Ndërsa në ndeshjen tjetër të zhvilluar në Korçë mes ekipit të Skënderbeut dhe Teutës cdo gjë ka përfunduar në barazim duke mos ndryshuar asgjë në renditjen e kryesuesve.

Teuta shënoi golin e parë të ndeshjes në minutën e dytë shtesë në pjesën e parë me anë të Xhafajt. Me këtë rezultat mbyllet edhe pjesa e parë e ndeshjes, ndërsa në pjesën e dytë është Morina që shënon golin e barazimit për ekipin e Korcës që nuk shkon më shumë se barazimi me durrsakët që nuk u ndahen në renditje në edicionet e fundit. Pas ndeshjes të dy trajnerët e ekipeve respektive u shprehën të kënaqur me pikën për mënyrën se si erdhi loja. Pas tyre vjen ekipi i Partizanit që nëse nuk do të kishte humbur, do të kishte marrë kryesimin e kampionatit. Të dielën do të zhvillohen ndeshjet e mbetura të javës së tetë të kategorisë superiore në kampionatin kombëtar të futbollit.

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Përplasen dy trena në Bullgari, 2 persona humbin jetën dhe 6 të tjerë plagosen

Përplasen dy trena në Bullgari, 2 persona humbin jetën dhe 6 të tjerë plagosen

15 Janar, 22:55