POP 5

Lajmet më të lexuara të 5 minutave të fundit

Kronikë

Pas 22 vitesh 'Pa Gjurme' gjen Bashkim Xhinën në Francë/ Motra: S'besonim se do e takonim, i premtoi nënës se do të kthehet në Shqipëri (VIDEO)

U zhduk 22 vite më parë, gjendet në Nicë të Francës Bashkim Xhina. 52-vjecari humbi gjurmët në fund të gushtit të vitit 1998, kur në telefonatën e fundit që bëri me vëllanë, Dylaverin i tha se shumë shpejt do të kthehej në Shqipëri, por pas asaj dite do kalonin 2 dekada.

E para dritë jeshile për fatin e djalit nga Elbasani u ndez në emisionin ’Pa gjurmë’ në Report TV, ndërsa stafi pas kërkimeve dhe ndihmës nga korrenspodentët arritën të zbulonin emrin e restorantit në Nice të Francës, vend në të cilin dyshohej se Bashkim Xhina punonte prej kohësh si shef kuzhine. Në qershor të këtij viti në program u shfaq për herë të parë fotoja ekskluzive e 52-vjecarit, shkrepur në vitin 2015. Të pranishëm në studio familjarët konfirmuan se ishte ai Bashkimi që kërkohej. Kishte mbetur fare pak kohë derisa kjo ëndërr do të bëhej realitet. Pasi ’Pa gjurmë’ zbuloi vendndodhjen e 52-vjecarit falë informacioneve të shumë prej emigrantëve shqiptarë, familja udhëtoi në Francë atje ku i pari që e takoi Bashkimin ishte vëllai i tij, Dylaveri. Gjatë një lidhje live motra e tij Lavdie Cehu rrëfeu detajet dhe emocionet e këtij takimi sublim për ta.

Jap lajmin e mirë se ne u takuam me Bashkimin dhe se është shëndoshë e mirë. Ai ndodhej vërtetë në Nice të Francës, atje ku shkoi vëllai im. Ai u takua i pari me Bashkimin, i cili si cdo emigrant kishte patur një jetë të vështirë. Vëllai u takua me vëllanë në restorantin ku Bashkimi punonte si kuzhinier. Bashkimi u lidh edhe me nënën që nuk rreshti së kërkuari. Në komunikimin që e vazhdueshëm që kemi na ka dhënë fjalën se do vij shumë shpejt në Shqipëri, pasi i mungojnë njerëzit që la këtu prej kaq vitesh. Ai ka krijuar familje dhe është i lumtur.

Bashkimi dhe vëllai i tij Dylaveri kishin emigruar që herët drejt tokës helene, ku qëndruan 5 vite sëbashku deri ditën kur u ndanë në vitin 1995. Destinacioni i radhës i Bashkimit do të ishte Franca. I pajisur me pasaportë false greke, duke përdorur një tjetër identitet, ai u njoh si Kristo Xhima. Një 22-vjeçar asokohe la të fejuarën në Shqipëri dhe vetë nuk u bë më kurrë i gjallë. Në Greqi pati miqësi me një çift anglez, me të cilët kishte krijuar një miqësi të ngushtë. Pas tentativës së parë të dështuar për të kaluar në Angli ai shkëputi kontaktet. Por kur shpresa vdes e fundit, për familjen mbeti ende e gjallë, se një ditë do të takoheshin me Bashkimin. Ata iu drejtuan emisionit ’Pa Gjurmë’ në Report, nga ku mori një tjetër kthesë pista e kërkimeve, derisa më në fund u arrit të gjendet 52-vjecari, duke rikthyer buzëqeshjen në familjen Xhina.

O.D./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Gjikondi: Ja taktika e çiftit Meta-Kryemadhi për të shpëtuar pronat e vendosura në mënyrë të paligjshme! Ja pse administrata Trump nuk do t’i heqë ‘non-gratën’ Berishës

Gjikondi: Ja taktika e çiftit Meta-Kryemadhi për të shpëtuar pronat e vendosura në mënyrë të paligjshme! Ja pse administrata Trump nuk do t’i heqë ‘non-gratën’ Berishës

24 Nëntor, 12:13