Kot nuk thonë se miqësia është si vera, sa më shumë kohë kalon aq më e shtrenjtë bëhet. E tillë ka qenë kjo miqësi që nisi në vitin 1987 për Nikolin Shytin nga Kopliku i Malësisë së Madhe dhe durrsakun Eqerem Popa, të cilët u njohën kur kryenin shërbimin e detyrueshëm ushtarak, tek Currilat në qytetin bregdetar. ‘Pa Gjurmë' realizon këtë takim në distancë, me kërkesë të Nikolinit, i cili nga Michigani i Amerikës kërkoi në program shokun e tij Eqeremin, me të cilin shkëputi kontaktet në vitin 1995. Kur shkoi për t’i dërguar ftesën për martesë, në lagjen nr. 18, ku banonte djali nga Durrësi nuk e gjeti në shtëpi. Në vitin 1997 të dy emigruan jashtë vendit kur rrugët e tyre u ndanë, por miqësia mbeti e fortë në zemër.
’Në 1997 jemi larguar nga Shqipëria. Shkova për t’i çuar ftesën se po martohesha në vitin 1996, por nuk e gjeta atje. Më thanë se kishte ikur në Itali. Por unë një vit më pas emigrova. Cdo ditë që vjen është një ditë e rëndësishme për mua’,-nis rrëfimin e tij Nikolin Shyti
Odeta Dume: Sot është kjo ditë e rëndësishme për ju.
Edhe pse përmes skypeve biseda ngjalli emocione të jashtëzakonshme teksa nga Bologna e Italisë Eqeremi mësoi se nga kush e kishte marrë këtë ftesë, të cilën stafi ’Pa gjurmë’ ia bëri surprizë. Por as Nikolini nga Michigani nuk ishte në dijeni se sot do të ishte dita, që ai do të dëgjonte për herë parë pas 25 vitesh zërin e mikut të tij. Nga skaji në skaj, dy shokët kujtuan gjatë transmetimit live në program, momente të vecanta nga jetët e tyre, të kaluara sëbashku.
Nikolin Shyti: Ne këtej i themi, ej plako
Eqerem Popa: Përshëndetje
Nikolin Shyti: Ej plako ku je plako?
Eqerem Popa: Qesh...Përshëndetje Nikolin
(Mes lotësh, për Eqeremin kjo surprizë ishte një nga më të bukurat që I kanë bërë deri më tani.)
Eqerem Popa: Cdo gjë mund të prisja, por këtë kërkesën tënde nuk e prisja. Kam menduar disa herë se mos takoheshim, dhe shpresoja tek një ditë si kjo. Kjo ditë erdhi dhe unë jam shumë i emocionuar.
Nikolin Shyti: Unë kam menduar gjithmonë se shpresa vdes e fundit. Dhe shpresa duket se ka kaluar nga Tirana përmes emisionit 'Pa Gjurme'.
Eqerem Popa: Nuk e vë në diskutim që Nikolini ka burrni. Është një shok, një vëlla. Njeri i vecantë. Njeri i fjalës dhe i besës.Edhe unë e konsideroj njeriun më të afërt, si vëllezërit e mi. Kur martoi vëllain dhe e ftova në dasëm, më tha se na donte familjarisht në dasmën e vëllait. Nikolini na priste me xhaxhain e vet. Na kanë pritur në tren për të shkuar drejt Koplikut. Na kanë pritur shumë mirë. Unë e kam patur gjithmonë ndërmend për t'ja gjetur 'folenë' Nikolinit. Kam mbetur i shtangur, i befasuar.
Nikolin Shyti: Gjithcka keni bërë ju për mua, nuk do t'ju dal borxhit. Kam qenë në kushte shumë të vështira në atë kohë dhe ju më jeni gjendur.
Eqerem Popa: Ti e ke merituar. Ke qenë një njeri shumë i vecantë.
Një përshëndetje falenderimi i drejtoi nga Italia edhe bashkëshortja e Eqeremit, mikut të tyre të familjes.
‘Jam Silvana. Të përshëndes edhe unë Nikolin. Të uroj shëndet’.
Kërkon edhe më shumë kohë Nikolini, duke nxjerrë mallin e ditëve të kaluar plot respekt për njëri-tjetrin. Nuk kursen moderatorja e emisionit ‘Pa Gjurmë’ Odeta Dume, për t’ia lënë të gjithë kohën në dispozicion rrëfimit të kësaj miqësie të rrallë. Një rrëfimi i ngrohtë, që tregon sesa rëndësi ka patur kjo miqësi e sinqertë. Report TV ndiqet anekënd dhe kjo bëri që Nikoli t'i drejtohej emisionit ‘Pa Gjurmë’, për të gjetur mikun. Një dëshirë e realizuar nga programi këtë të premte, edhe me një batutë që Nikolini i bëri koleges Odeta Dume:
‘Kërkova t’i drejtohesha këtij programi, pasi ne e ndjekim shumë dhe na pëlqen. Fëmijët kanë lindur këtu, ata më thanë që ekzistonte një program i tillë në Shqipëri. E di si më tha vajza, mos i kërko Odetës të të prezantohet, në Shqipëri dy njerëz njihen, Odeta dhe Sali Berisha’
Stafi ’Pa gjurmë’ nuk ndalet me kaq, të tjera histori presin zgjidhje. Të lumtur që ky mision i radhës përfundoi me sukses.
VIDEO/Emisioni i plotë 'Pa Gjurmë'
Komente
Lajme të tjera
-
Historia në Lushnje/ Në burg për përdhunimin e një vajze, fëmijët e 63 vjeçarit në 'Pa Gjurmë' kërkojnë drejtësi për të atin
12 Korrik, 17:28 -
Skandali tek Onkologjiku/ Koduzi në 'Repolitix': Shërbimi më i keqfinancuar! Gazetarja: Mjeku denoncoi rrezatimin e Kobalto Terapisë, u detyrua të linte punën
25 Qershor, 21:46 -
U gjet i pajetë me tatuazhin ‘Korça’ në Belgjikë, thirrje për identifikimit e shqiptarit në 'Pa Gjurmë’! Mister shkaqet e vdekjes, dyshohet se familja ndodhet në Shqipëri
25 Qershor, 16:27 -
Ndodh e papritura në ‘Pa Gjurme’! Nëna dhe babai kërkojnë djalin e humbur, i riu i suprizon live: Jam mirë
29 Maj, 18:10 -
Pas apelit në ‘Pa Gjurmë’, bebja 11 muajshe e braktisur strehohet në Shtëpinë e Foshnjes! Koçiu: E trazuar nga ngjarja! Denonconi çdo rast
10 Prill, 15:53 -
Ekskluzive/ 'O marr atë o vetëflijohem!’ Babai i 14 vjeçares që u martua me 35 vjeçarin flet për ‘Pa Gjurmë’: Ma rrëmbeu, e pranova nga e keqja
12 Janar, 16:52 -
Varrimi i 33 vjeçarit që u vra nga kunati se abuzoi seksualisht me vajzën e tij, mungon motra, gruaja e autorit! Nuk shkojnë as shokët e viktimës: Ndihemi të turpëruar
12 Janar, 16:14 -
29-vjeçari Angjelo Avdiu u gjet i varur në Greqi, i vëllai në ‘Pa Gjurmë’: E njoha vetëm nga çakmaku! Ja çfarë dyshon policia
27 Nëntor 2023, 16:15 -
Gjashtë muaj pas vdekjes së Brisilda Nexhipit, reagon nëna: Vajza nuk bëri aksident, dyshoj se trupi u fsheh në morg!
23 Nëntor 2023, 17:19 -
'Artemis mbahet peng!' Prindërit e 19 vjeçares së zhdukur prej 3 vitesh në Greqi kërkojnë ndihmë në 'Pa Gjurmë'! Letra anonime dhe dëshmitë e reja
1 Nëntor 2023, 18:57 -
Lidhet live nga burgu me ‘Pa Gjurmë’, 37-vjeçari Artur Çollaku kërkon të rilidhet me familjen: Prej 8 vitesh në izolim nuk kam takuar askënd
30 Tetor 2023, 17:10 -
Historia e pabesueshme! U rrëmbye 13 vjeç gjatë luftës në Kosovë, 'Pa Gjurmë' e bashkon me familjen pas 24 vitesh
27 Tetor 2023, 14:15
E paskan mbajt ngroht njeri tjetrin ne ushtri :)
Përgjigju