TIRANË- Pas një pushimi 3 ditor, nesër të gjithë nxënësit dhe mësuesit në të gjitha shkollat në vend do të kthehen në banka për të vijuar mësimin! I ftohti polar që kishte mbërthyer vendin tonë ka nisur të largohet, për rrjedhojë Ministria e Arsimit nuk e ka gjykuar të arsyeshme që të shtynte vendimin për pezullimin e mësimit, e ndërsa ende nuk ka një datë se kur do të zëvendësohen orët e humbur.
Në fjalën e saj, në përfundim të mbledhjes së qeverisë, ministrja e Arsimit, Evis Kushi tha se kjo situatë nuk ka ndodhur vetëm në Shqipëri, por edhe në vendet e tjera fqinje, si Greqia apo Turqia, dhe qëllimi kryesor ka qenë ruajtja e shëndetit të nxënësve.
"Nesër të gjithë do të kthehen në shkolla. Në e pamë që temperaturat ishin jo të zakonshme për një vend si Shqipëria, dhe kjo nuk është një gjë që ndodh vetëm në Shqipëria, eddhe Greqia e i mbylli shkollat, edhe Turqia, që janë më të zhvilluara dhe rrugët më të mira. Arsyeja nuk ka qenë vetëm ngrohja, por rreziku që has një nxënës", tha Kushi.
Në një kohë kur shumë kanë pyetur se përse janë mbyllur shkollat dhe jo çerdhet apo kopshtet, Kushi ka dhënë argumentet e saj.
"Çerdhet janë në varësi të Bashkive, por edhe prindërit nuk janë të detyruar, ndërkohë që shkolla ka një program që nëse nxënësit mungojnë marrin mungesa pa arsye. Ishte e nevojshme për të parandaluar çdo lloj rreziku", tha Kushi.
Shkollat u mbyllën për 3 ditë, nga 24-26 janar me argumentin jo vetëm për temperaturat e ulëta dhe mungesën e ngrohjes në shkolla, por për shkak të rrezikut që i kanosen fëmijëve nga shtëpia në shkollë dhe e kundërta.
Report Tv e ka sjellë në vëmendje herë pas herë mungesën e sistemit të ngrohjes në shkolla. Vetëm pak ditë më parë në vëzhgimin e bërë në terren nga gazetarët, nxënësit ka rrëfyer se janë detyruar që të blejnë vetë rezistenca pasi e kanë të pamundur të mësojnë në temperatura. Këtë fakt e pranoi edhe vetë ministrja e Arsimit, Evis Kushi në studion e Report Tv, ku tha se po punohet për të rregulluar këtë problem.
Nga ana tjetër, ia vlen të theksohet se ky muaj është shoqëruar edhe me një fluks fëmijësh në pediatri me temperaturë, kollë, këputje trupi, për shkak të gripit të stinës, por edhe Omicron, variant i COVID.
Lajme të tjera
-
TikTok do mbyllet për 1 vit në Shqipëri, Rama: Rrugaçëri, promovon dhunë e krim! Institut për fëmijët në konflikt me ligjin
21 Dhjetor, 13:17 -
Kuvendi/ PS kalon ligjin, anulohen gjobat për ndërtime pa leje, dhe të AKU në fshat! Rrëzohet amendamenti i PD-së, s'falen faturat e prapambetura të ujit e dritave
19 Dhjetor, 17:31 -
Rama largon zv/ministren e Arsimit Nina Guga e zëvendëson me Orjana Osmanin drejtoreshë në gjimnazin 'Petro Nini'
18 Dhjetor, 17:52 -
Përplasje të ashpra tek Komisioni i Edukimit, Kushi: Më jep fjalën, të të vijë turp! Zhupa: As kam vjedhur, as kam qenë ministre
16 Dhjetor, 20:55 -
SHBA/ Sulm me armë zjarri në një shkollë të krishterë, 3 viktima dhe 6 të plagosur
16 Dhjetor, 19:19 -
Fier/ Plagosi me 4 goditje thike shokun e klasës, Gjykata lë në burg gjimnazistin 17-vjeçar: Jam në ankth, s'jam në gjendje të flas (VIDEO)
16 Dhjetor, 10:14
-
PS ndez motorët në Kukës, Majko: Opozita e vjetër destabilizuese, e reja populiste! Kushi: Më shumë angazhim për votën e diasporës
14 Dhjetor, 21:10
-
Durrës/ Për një nxënës, hiqet oficeri i sigurisë në shkollën artistike, prindërit në protestë! Rikthehet në detyrë pas denoncimit në Report TV
6 Dhjetor, 13:36
-
Maqedoni e Veriut/ Nxënësit veshën uniforma të UÇK-së për festat e nëntorit, ministrja paralajmëron masa ndaj shkollës
1 Dhjetor, 14:21 -
Akuza dhe dyshime për manipulim zgjedhjesh në atletikë, protagonistët mbledhje në Ministrinë e Arsimit dhe Sportit
28 Nëntor, 16:05
-
Vrasja e Martinit/ PD kërkon interpelancë me Manastirliun: Ngjarje e paralajmëruar, Paketa e Sigurisë propagandë
26 Nëntor, 15:34 -
Protestë për vrasjen e Martinit para Ministrisë së Arsimit, kërkohet dorëheqja e ministres! I pranishëm babai e gjyshi i 14-vjeçarit: Drejtësi deri në fund
25 Nëntor, 17:07
