Pas 30 vitesh i mbyllur, rihapet muzeu i Luftës Antifashiste Nacional-Çlirimtare në Përmet

Pas 30 vitesh në Përmet është rihapur muzeu i Luftës Antifashiste Nacional-Çlirimtare me iniciativën e bashkisë.

Përurimi i muzeut u bë në përkujtim të 24 majit 1944, ditën kur u mblodh Kongresi i Përmetit, dhe ku Enver Hoxha vendosi themelet e regjimit komunist, që mbajti vendin për gjysmë shekulli në izolim. Por, për kryetaren e Bashkisë së Përmetit Alma Hoxha kjo është një ditë historike dhe muzeu do të pasurohet edhe më tej.

"Përmetit i ka munguar prej 30 vitesh muzeu. Ishte një sallë ku ishin të përziera objektet dhe ne menduan që në një vend historik të ngremë muzeun e luftës. Kemi ekspozuar dosjet e dëshmorëve, por është vetëm fillimi do na duhet një punë më e madhe për ta pasuruar muzeun. Ne do bashkëpunojnë edhe me muzeun kombëtar", tha ajo.

Ajo e shmangu pyetjen për diktatorin Enver Hoxha duke theksuar se lufta e partizanëve ka qenë heroike.

Gazetari Piro Nase: Ka rënë në sy mungesa e fotot së Enver Hoxhës?

Alma Hoxha: Po le të vlerësojnë këto objektet që janë çdo njeri ka të drejte e vet ta vlerësojë ose jo. Unë mendoj se lufta është pjesa më e rëndësishme e historisë së popullit shqiptar.

Objekte të ndryshme si armatime, fotografi, dosje janë vendosur tashmë në muze. Nuk mungon as ylli i kuq, simbol i komunistëve. Kjo iniciativë e bashkisë së Përmetit është kritikuar nga historiani Kastriot Dervishi i cili shkruan në facebook se ky është kongresi i turpit.

"Lajm i madh nga Bashkia e Përmetit, sipas së cilës, kongresi që instaloi regjimin më terrorist të Europës qenka “historik” e për këtë arsye duhet të jetë muze. Nuk figurojnë këtu as marshali Tito dhe as shokët melladin e dushan! Ishte një 'kongres' me karakter edhe seperatist sepse nuk përfaqësohej gjysma e Shqipërisë", shprehet Dervishi.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A është i mjaftueshëm shpërblimi prej 5 mijë lekësh i festave të fundvitit për pensionistët?



×

Lajmi i fundit

John

Kina kritikon bojkotin diplomatik të Lojërave Olimpike të Pekinit, pasi asnjë ftesë nuk iu dërgua zyrtarëve amerikanë